ແຂວງຢຸນນານ: ເຫັດປ່າປ່ຽນເອົາທະນະບັດ

2020-08-05 19:35:45 |ມາຈາກ: Yunnan Gateway

ເຫັດປ່າມີລົດຊາດແຊບຫຼາຍ, ແຕ່ມັນຈະສາມາດຈະເລີນເຕີບໂຕໄດ້ຈຳເປັນຕ້ອງມີສະພາບແວດລ້ອມທຳມະຊາດທີ່ດີ. ລະດູຝົນໃນແຕ່ລະປີແມ່ນລະດູເກັບເຫັດປ່າ. ໃນບ້ານເຫີຜິງ ຕາແສງສາວຈອງດ້ຽນກິ່ງແຂວງປົກຄອງຕົນເອງຊົນເຜົ່າທິເບດດິຊີງ ແຂວງຢຸນນານ, ໃນດ້ານໜຶ່ງ ຊາວບ້ານ ປົກປັກຮັກສາສະພາບແວດລ້ອມນິເວດເປັນຢ່າງດີ, ໃນອີກດ້ານໜຶ່ງກໍໄດ້ພັດທະນາຂະແໜງການໂດຍອາໄສຊັບພະຍາກອນໃນທ້ອງຖິ່ນ, ແລະ ກ້າວສູ່ເສັ້ນທາງແຫ່ງຄວາມຈະເລີນຮຸ່ງເຮືອງ.

"ພວກເຮົາໄດ້ສ້າງກົດລະບຽບ ແລະ ຂໍ້ຕົກລົງຂອງບ້ານ, ຕົ້ນໄມ້ງ່າດຽວກໍບໍ່ອະນຸຍາດໃຫ້ຕັດ , ພວກເຮົາຈະຮັກສາ ນ້ຳສະອາດ ແລະ ພູພາປ່າໄມ້ສີຂຽວ ໃຫ້ຄົນລຸ້ນຫລັງ." ທ່ານ ເກີລອງວັງຈ່າຍ ຊາວບ້ານຢູ່ບ້ານເຫີຜິງກ່າວວ່າ: "ດຽວນີ້ສະພາບແວດລ້ອມນິເວດມີການປ່ຽນແປງທີ່ ດີຂຶ້ນ, ເຫັດປ່າມັດສຸຕາເກະ (Tricholoma matsutake) ນັບມື້ນັບຫຼາຍ, ແລ້ວບວກກັບການຄົມມະນາຄົມຂົນສົ່ງທີ່ສະດວກສະບາຍ, ເຫັດປ່າມັດສຸຕາເກະ ໄດ້ກາຍເປັນແຫຼ່ງລາຍໄດ້ອັນຕົ້ນຕໍຂອງທຸກຄອບຄົວ, ຄົວເຮືອນໜຶ່ງມີລາຍໄດ້ຕໍ່ປີກວ່າ 10,000 ຢວນ "

"ນອກຈາກມີເຫັດປ່າມັດສຸຕາເກະ, ລັດຖະບານຍັງໄດ້ສະໜອງເງິນອຸດໜູນ." ຊາວບ້ານທີ່ຊື່ວ່າ ຊຸຍແດນ ໄດ້ຊື້ລົດຂົນສົ່ງດ້ວຍເງິນກູ້ຢືມ.ປັດຈຸບັນນີ້,ລາວຂັບລົດຂົນສົ່ງສິນຄ້າ, ເມຍຂອງລາວໄດ້ໄປຂຶ້ນພູເກັບເຫັດປ່າມັດສຸຕາເກະແລະ ເຫັດປ່າອື່ນໆ. ຫລັງຈາກຫັກຄ່າເງິນກູ້ຢືມ ຂອງລົດ, ສອງຄົນສາມາດຫາລາຍໄດ້ໄດ້ຫລາຍກວ່າ 30,000 ຢວນຕໍ່ປີ. ທ່ານເວົ້າວ່າ: "ຫລັງຈາກຈ່າຍຄືນເງິນກູ້ຢືມໝົດ ໃນເດືອນມີນາປີໜ້າ, ຊີວິດຈະນັບມື້ນັບດີຂື້ນ."

ຊຽງເກີລີລາ ແມ່ນເຂດຜະລິດຕະພັນຕົ້ນຕໍຂອງເຫັດປ່າມັດສຸຕາເກະ ໃນປະເທດຈີນ, ຄຸນນະພາບຂອງເຫັດປ່າມັດສຸຕາເກະ ທີ່ຜະລິດຢູ່ນີ້ແມ່ນໄດ້ດີຫຼາຍ, ແລະ ການສົ່ງອອກໃນແຕ່ລະປີກໍ່ບໍ່ສາມາດຕອບສະໜອງກັບຄວາມຕ້ອງການ. ອິງຕາມສະຖິຕິ, ຈຳນວນຜົນຜະລິດຂອງຜະລິດຕະພັນເຫັດປ່າມັດສຸຕາເກະໃນທ້ອງຖິ່ນກວມເອົາ 40% ຂອງຍອດຜະລິດຕະພັນທົ່ວປະເທດ, ແລະ ກວມເອົາຫຼາຍກວ່າ 65% ໃນແຂວງຢຸນນານ.

滇ICP备 09002441号
中华人民共和国国务院新闻办公室 支持指导
云南省人民政府新闻办公室 主办
云南日报报业集团 承办
本网站由云桥网版权所有,未经授权禁止复制或建立镜像
Copyright ©yunnangateway.com All Rights Reserved since 2006