ວັນທີ 6 ສິງຫານີ້ ໜ່ວຍງານສຳຫຼວດວຽກງານຂອງກະຊວງການເງິນຈີນໄດ້ປະກາດບົດລາຍງານກ່ຽວກັບການປະຕິບັດນະໂຍບາຍການເງິນຈີນໃນ 6 ເດືອນຕົ້ນປີ 2020 ໂດຍສະແດງໃຫ້ເຫັນວ່າ, ໃນ 6 ເດືອນຕົ້ນປີນີ້, ເສດຖະກິດຈີນໄດ້ຕົກຕ່ຳລົງໃນໄລຍະຕົ້ນແລະສາມາດພິກກັບມາເຕີບໂຕໄດ້, ແລະສາມາດຟື້ນຄືນເປັນປົກກະຕິຢ່າງໜັກແໜ້ນ, ນັບແຕ່ໄຕມາດທີ 2 ເປັນຕົ້ນມາ, ເສດຖະກິດຂອງແຕ່ລະເດືອນໄດ້ດຳເນີນໄດ້ເປັນຢ່າງດີ, ເຊິ່ງເປັນຍ້ອນຈີນມີນະໂຍຍບາຍການເງິນທີ່ເໝາະສົມ.
ເມື່ອວິເຄາະຢ່າງລະອຽດແລ້ວຈິ່ງເຫັນວ່າ: ໃນ 6 ເດືອນຕົ້ນປີນີ້, ຈີນໄດ້ຫຼຸດພາສີອາກອນ ແລະຄ່າທຳນຽງຕ່າງໆທັງໝົດເປັນຈຳນວນເງິນຫຼາຍກວ່າ 1500 ຕື້ຢວນ, ເປັນການຫຼຸດພາສີອາກອນແລະຄ່າທຳນຽມຂະໜາດໃຫຍ່, ເຊິ່ງລວມທັງການຄືນພາສີອາກອນໃຫ້ວິສຫາກິດຜະລິດອຸປະກອນປ້ອງກັນແລະຄວບຄຸມພະຍາດໂຄວິດ; ຊ່ວຍວິສາຫະກິດຂະໜາດນ້ອຍແລະວິສາຫະກກິດເອກະຊົນສາມາດຜ່ານຜ່າໄລຍະຫຍຸ້ງຍາກໄດ້. ເລີ່ມແຕ່ວັນທີ 1 ມີນາທີ່ຈີນເລີ່ມປະຕິບັດນະໂຍບາຍຍົກເວັ້ນແລະຫຼຸດອາກອນມູນຄ່າເພີ່ມໃຫ້ແກ່ຫົວໜ່ວຍທຸລະກິດຂະໜາດນ້ອຍທີ່ເສຍພາສີອາກອນເປັນຕົ້ນມາ, ນະໂຍບາຍນີ້ໄດ້ສົ່ງຜົນປະໂຫຍດໃຫ້ແກ່ວິສາຫະກິດແລະທຸລະກິດສ່ວນບຸກຄົນໄດ້ທັງໝົດ 1 ລ້ານ 9 ແສນ 1 ໝື່ນແຫ່ງ; ທັງໄດ້ຍົກເລີກຄ່າປະກັນໄພທາງສັງຄົມໃຫ້ວິສາຫະກິດ ເພື່ອຜ່ອນຄາຍແຮງກົດດັນໃນດ້ານທຶນຮອນດຂອງວິສາຫະກິດ.
ໃນຂັ້ນຕອນຕໍ່ໄປ, ນະໂຍບາຍການເງິນຂອງຈີນຈະສືບຕໍ່ເນັ້ນການໃຫ້ການປະກອບອາຊີບເພີ່ມຂຶ້ນຢ່າງໜັກແໜ້ນ, ປັບປຸງຊີວິດການເປັນຢູ່ຂອງປະຊາຊົນ, ສະໜັບສະໜູນຕະຫຼາດໃຫ້ສາມາດຜ່ານຜ່າຄວາມຫຍຸ້ງຍາກເພື່ອພັດທະນາຕໍ່ໄປ.