ຕາມຂ່າວCRI：ວັນທີ 5 ສິງຫານີ້, ທ່ານສີຈິ້ນຜີງ, ປະທານປະເທດຈີນໄດ້ສົ່ງສານສະແດງຄວາມເສົ້າສະຫຼົດໃຈເຖິງທ່ານມີເຊນ ໂອນ, ປະທານາທິບໍດີລີບັງກ່ຽວກັບເຫດການລະເບີດຂະໜາດໃຫຍ່ທີ່ໄດ້ເກີດຂຶ້ນຢູ່ນະຄອນຫຼວງເບຣຸດປະເທດລີບັງ.
ເນື້ອໃນສານຂອງທ່ານສີຈິ້ນຜີງໄດ້ຂຽນວ່າ, ຂ້າພະເຈົ້າຕື່ນຕົກໃຈເມື່ອໄດ້ຮັບຮູ້ວ່າຢູ່ນະຄອນຫຼວງເບຣຸດຂອງລີບັງໄດ້ເກີດເຫດການລະເບີດຂະໜາດໃຫຍ່, ເຊິ່ງເຮັດໃຫ້ມີຜູ້ເສຍຊີວິດແລະບາດເຈັບຈຳນວນຫຼວງຫຼາຍ. ຂ້າພະເຈົ້າຂໍຕາງໜ້າລັດຖະບານແລະປະຊາຊົນຈີນ, ແລະໃນນາມສ່ວນຕົວ, ຂໍສະແດງຄວາມໄວ້ອາໄລຢ່າງສຸດຊື້ງຕໍ່ຜູ້ເສຍຊີວິດ, ສະແດງຄວາມຢື້ຢາມຖາມຂ່າວຢ່າງຈິງໃຈເຖິງຄອບຄົວຂອງຜູ້ບາດເຈັບ, ແລະອວຍພອນໃຫ້ຜູ້ບາດເຈັບຟື້ນຟູສຸຂະພາບໂດຍໄວ.