ທ່ານສີຈີ້ນຜິງເຊັນລັດຖະດຳລັດປະທານປະເທດ ເພື່ອມອບຫຼຽນແຫ່ງຊາດ ແລະ ນາມມະນົດແຫ່ງຊາດໃຫ້ແກ່ບຸກຄົນດີເດັ່ນໃນການຕໍ່ສູ້ກັບພະຍາດ COVID-19
ວັນທີ 11 ສິງຫານີ້, ອີງຕາມຂໍ້ຕົກລົງກ່ຽວກັບການມອບຫຼຽນແຫ່ງຊາດ ແລະ ນາມມະຍົດແຫ່ງຊາດໃຫ້ແກ່ບຸກຄົນທີ່ໄດ້ປະກອບສ່ວນດີເດັ່ນໃນການຕໍ່ສູ້ກັບພະຍາດ COVID-19 ທີ່ໄດ້ລົງຄະແນນສຽງ ແລະ ຜ່ານການຮັບຮອງໃນກອງປະຊຸມຄັ້ງທີ 21 ຂອງຄະນະປະຈຳສະພາປະຊາຊົນແຫ່ງຊາດຈີນຊຸດທີ 13 ໃນຕອນບ່າຍວັນທີ 11 ສິງຫານີ້, ທ່ານສີຈີ້ນຜິງ ປະທານປະເທດຈີນໄດ້ເຊັນລັດຖະດຳລັດປະທານປະເທດ ເຊິ່ງໄດ້ຕົກລົງວ່າ: ໄດ້ມອບ “ຫຼຽນແຫ່ງຊາດ” ໃຫ້ທ່ານຈົ່ງນານສ່ານ ແລະ ມອບນາມມະຍົດ “ວິລະຊົນຂອງປະຊາຊົນ” ໃຫ້ທ່ານຈ່ຽງໂປ໋ຫຼີ, ທ່ານຈ່ຽງຕິງຢວີ ແລະ ທ່ານນາງເຊີນເວີ່ຍ.
ລັດຖະດຳລັດດັ່ງກ່າວແມ່ນເພື່ອຍ້ອງຍໍສັນລະເສີນບຸກຄົນແບບຢ່າງທີ່ໄດ້ປະກອບສ່ວນດີເດັ່ນໃນການຕໍສູ້ກັບພະຍາດ COVID-19, ສົ່ງເສີມ ແລະ ເຜີຍແຜ່ຄຸນສົມບັດອັນສູງສົ່ງຂອງເຂົາເຈົ້າທີ່ມີຄວາມຈົງຮັກພັກດີ, ກ້າແບບຫາບໜ້າທີ່ຄວາມຮັບຜິດຊອບ ແລະ ຍິນດີປະກອບສ່ວນເຂົ້າໃນພາລະກິດຂອງຊາດ.