ຕອນຄ່ຳວັນທີ 17 ສິງຫານີ້, ພະນັກງານການທູດໃນກົງສຸນໃຫຍ່ຈີນປະຈຳຮິວສະຕັນອາເມຣິກາໄດ້ເໝົາເຮືອບິນເດີນທາງກັບຄືນຮອດນະຄອນຫຼວງປັກກິ່ງ, ທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນ ໄດ້ເຂົ້າຮ່ວມພິທີຕ້ອນຮັບທັງກ່າວປາໄສ.
ທ່ານຫວາງຢີ້ກ່າວວ່າ: ເຫດການທີ່ເກີດຂຶ້ນກັບກົງສຸນໃຫຍ່ຈີນປະຈຳຮິວສະຕັນໃນຄັ້ງນີ້ໄດ້ສະແດງໃຫ້ເຫັນວ່າ ອິດທິກຳລັງຕໍ່ຕ້ານຈີນຢູ່ອາເມຣິກາພວມສຸມກຳລັງທຳລາຍການພົວພັນລະຫວ່າງຈີນ-ອາເມຣິກາ ໂດຍບໍ່ໄຈ້ແຍກວິຖີທາງ, ຄິດຫາວິທີຕ່າງໆເພື່ອສະກັດກັ້ນການພັດທະນາຂອງຈີນ. ນີ້ເປັນການກະທຳທີ່ຝືນກັບກະແສຂອງຍຸກສະໄໝ, ສະນັ້ນຈຶ່ງບໍ່ອາດຈະເປັນໄປໄດ້ດັ່ງຄວາມປາຖະໜາຂອງເຂົາຢ່າງເດັດຂາດ! ພ້ອມກັນນັ້ນ, ທ່ານຫວາງຢີ້ຍັງກ່າວຕື່ມວ່າ: ຝ່າຍຈີນເຊື່ອໝັ້ນວ່າ ການສົນທະນາ ແລະບໍ່ເປັນປໍລະປັກກັນນັ້ນຍັງແມ່ນຈິດໃຈລວມຂອງປະຊາຊົນສອງປະເທດຄືເກົ່າ, ການພົວພັນລະຫວ່າງຈີນແລະອາເມຣິກາຍັງຈະພັດທະນາກ້າວໄປໜ້າຫຼັງປະສົບກັບອຸປະສັກຕ່າງໆນານາ. ພາຍໃຕ້ການນຳພາຂອງພັກກອມມູນິດຈີນ, ບໍ່ວ່າຜູ້ໃດ, ອິດທິກຳລັງໃດກໍຕາມ ລ້ວນແຕ່ຈະບໍ່ສາມາດສະກັດກັ້ນບາດກ້າວເດີນຂອງຈີນທີ່ກ້າວໄປສູ່ການຟື້ນຟູຄວາມຈະເລີນຮຸ່ງເຮືອງຄືນໃໝ່ໄດ້ຢ່າງເດັດຂາດ.