ແຂວງຢຸນນານຈະສູ້ຊົນ ກໍ່ສ້າງໃຫ້ກາຍເປັນສະຖານທີ່ເປົ້າໝາຍສຳຄັນດ້ານການທ່ອງທ່ຽວ ແລະ ວັດທະນະທຳຂອງໂລກ

ໃນມື້ມໍ່ໆມານີ້, ແຂວງຢຸນນານຈັດກອງປະຊຸມຖະແຫຼງຂ່າວຫົວຂໍ້ສະເພາະ ເລື່ອງການເລັ່ງລັດກໍ່ສ້າງຂະແໜງການການທ່ອງທ່ຽວ ແລະ ວັດທະນະທຳ ຂອງລະບົບຂະແໜງການທີ່ທັນສະໄໝຂອງແຂວງຢຸນນານ, ເພື່ອດຳເນີນການອະທີບາຍ "ຂໍ້ຕົກລົງວ່າດ້ວຍການເລັ່ງລັດການກໍ່ສ້າງລະບົບຂະແໜງການທີ່ທັນສະໄໝ" ທີ່ແຂວງຢຸນນານໄດ້ກຳນົດອອກມາກ່ອນໜ້ານີ້. ຂະແໜງການການທ່ອງທ່ຽວ ແລະ ວັດທະນະທຳແມ່ນໜຶ່ງໃນຂະແໜງການ ຂອງການບຳລຸງການກໍ່ສ້າງ 5 ຂະແໜງການທີ່ມີລະດັບມູນຄ່າການຜະລິດປະຈຳປີຮອດພັນຕື້ຢວນ (ໝາຍເຖິງຂະແໜງການ ຫລື ກຸ່ມຂະແໜງການທີ່ມີມູນຄ່າການຜະລິດປະຈຳປີຫຼາຍກ່ວາໜຶ່ງພັນຕື້ຢວນ)ຂອງແຂວງຢຸນນານ.

"ຂໍ້ຕົກລົງວ່າດ້ວຍການເລັ່ງລັດການກໍ່ສ້າງລະບົບຂະແໜງການທີ່ທັນສະໄໝ" ຊີ້ໃຫ້ເຫັນວ່າ, ຮອດປີ 2025, ຂະແໜງການການທ່ອງທ່ຽວ ແລະ ວັດທະນະທຳຂອງແຂວງຢຸນນານຈະບັນລຸລາຍໄດ້ທັງໝົດ 2 ພັນຕື້ຢວນ (ປະມານ 289,2 ຕື້ໂດລາ), ໃນປີ 2030 ບັນລຸ 3,5 ພັນຕື້ຢວນ (ປະມານ 506,1 ຕື້ໂດລາ), ເຊິ່ງກວມເອົາ 12% ຂອງ GDP ໃນປີ 2030, ຮອດປີ 2035, ພະຍາຍາມກໍ່ສ້າງແຂວງຢຸນນານໃຫ້ກາຍເປັນແຂວງນຳໜ້າໃນການພັດທະນາຂະແໜງການການທ່ອງທ່ຽວ ແລະ ວັດທະນະທຳແຫ່ງຊາດ ແລະ ເປັນສະຖານທີ່ເປົ້າໝາຍອັນສຳຄັນສຳລັບການທ່ອງທ່ຽວ ແລະວັດທະນະທຳໃນໂລກ.

"ຂໍ້ຕົກລົງວ່າດ້ວຍການເລັ່ງລັດການກໍ່ສ້າງລະບົບຂະແໜງການທີ່ທັນສະໄໝ" ໄດ້ກຳນົດຈະແຈ້ງໜ້າທີ່ສຳຄັນສາມຢ່າງຂອງການທ່ອງທ່ຽວແຂວງຢຸນນານຄື: ສ້າງເນື້ອໃນໃຫມ່ຂອງການທ່ອງທ່ຽວແຂວງຢຸນນານໃຫ້ອຸດົມສົມບູນ, ບຳລຸງສ້າງຮູບແບບໃໝ່ຂອງການທ່ອງທ່ຽວ ແລະ ປະກອບສ້າງທ່າແຮງໃໝ່ຂອງການທ່ອງທ່ຽວ.

ໃນອະນາຄົດ, ແຂວງຢຸນນານຈະສູ້ຊົນບຸກທະລຸໃໝ່ຮອບດ້ານ່ໃນ 7 ດ້ານດັ່ງນີ້:

ອັນທີໜຶ່ງ, ໃນດ້ານການກໍ່ສ້າງການທ່ອງທ່ຽວທາງປັນຍາ, ແມ່ນລົງເລິກການຊຸກຍູ້ການກໍ່ສ້າງເວທີ "ທ່ອງທ່ຽວຢຸນນານດ້ວຍໂທລະສັບມືຖືໜ່ວຍດຽວ";

ອັນທີສອງ,ໃນດ້ານການບູລະນະສະພາບແວດລ້ອມການທ່ອງທ່ຽວໃຫ້ດີເລີດ, ເລັ່ງລັດກໍ່ສ້າງລະບົບມາດຕະຖານການທ່ອງທ່ຽວ;

ອັນທີສາມ,ໃນດ້ານການບຳລຸງສ້າງຮູບແບບໃໝ່ຂອງການທ່ອງທ່ຽວ, ສົ່ງເສີມການພັດທະນາການປະສົມປະສານກັນຂອງການທ່ອງທ່ຽວ ກັບ ຂະແໜງການທີ່ກ່ຽວຂ້ອງ, ແລະ ເປີດຕົວຜະລິດຕະພັນການທ່ອງທ່ຽວໃໝ່;

ອັນທີສີ່, ພັດທະນາການທ່ອງທ່ຽວໃນທົ່ວທຸກເຂດ, ສ້າງສະຖານທີ່ເປົ້າໝາຍການທ່ອງທ່ຽວໃນທົ່ວພາກພື້ນ, ແລະ ເລັ່ງລັດການກໍ່ສ້າງຮູບແບບໃໝ່ໃນການພັດທະນາຂະແໜງການການທ່ອງທ່ຽວ ແລະ ວັດທະນະທຳທີ່ເປັນຜູ້ຮ່ວມມືກໍ່ສ້າງ, ຮ່ວມແຮງຮ່ວມໃຈ ແລະ ແບ່ງປັນກັນໃນທົ່ວທຸກເຂດ;

ອັນທີຫ້າ,ໃນດ້ານການກໍ່ສ້າງສະຖານທີ່ເປົ້າໝາຍການທ່ອງທ່ຽວທີ່ມີຍີ່ຫໍ້, ເລັ່ງລັດການສ້າງບັນດາສະຖານທີ່ເປົ້າໝາຍການທ່ອງທ່ຽວທີ່ມີຍີ່ຫໍ້ເຊັ່ນ: ເຂດສາທິດການທ່ອງທ່ຽວໃນທົ່ວທຸກເຂດ ,ເຂດຣີສອດທ່ອງທ່ຽວ ແລະ ອື່ນໆ;

ອັນທີຫົກ,ໃນດ້ານການກໍ່ສ້າງໂຄງການໃຫຍ່,ຊ່ວຍເຫຼືອການພັດທະນາຂອງໂຄງການ ແລະ ວິສາຫະກິດທີ່ສຳຄັນຈຳນວນໜຶ່ງ;

ອັນທີເຈັດ, ໃນດ້ານການປະດິດສ້າງໃຫມ່, ສົ່ງເສີມການຮ່ວມມື ແລະ ການແລກປ່ຽນ ໃນດ້ານການທ່ອງທ່ຽວ ແລະ ວັດທະນະທຳລະຫວ່າງແຂວງຢຸນນານ ກັບ ບັນດາປະເທດ ແລະ ເຂດແຄວ້ນໃກ້ຄຽງ. ຊຸກຍູ້ການສ້າງຮູບແບບໃໝ່ຂອງການພັດທະນາການເຊື່ອມໂຍງການທ່ອງທ່ຽວໃນພາກພື້ນເຊິ່ງປະກອບດ້ວຍການຮ່ວມແບ່ງປັນຊັບພະຍາກອນ, ການເຊື່ອມໂຍງຂໍ້ມູນຂ່າວສານ, ການຄົ້ນຫານັກທ່ອງທ່ຽວ ແລະ ການຂະຫຍາຍຕະຫຼາດ. ປະດິດສ້າງໃຫມ່ວິທີການໂຄສະນາການທ່ອງທ່ຽວ, ສົ່ງເສີມການພົວພັນຂອງຮ້ານຕົວຈິງ ແລະ ຮ້ານອອນລາຍ, ແລະ ສືບຕໍ່ຂະຫຍາຍຂະໜາດຕະຫຼາດການທ່ອງທ່ຽວຢຸນນານໃຫ້ກວ້າງຂວາງ.