ທ່ານຫວາງຢີ້ກ່າວວ່າ: ຈີນຈະຍືດໝັ້ນການພັດທະນາດ້ວຍສັນຕິວິທີ, ເປີດປະຕູສູ່ພາຍນອກ, ຮ່ວມມືພັດທະນາ, ຕ່າງຝ່າຍຕ່າງໄດ້ຮັບຜົນປະໂຫຍດ ແລະ ໂອບເອື້ອອາລີ
ວັນທີ 30 ສິງຫານີ້ ຢູ່ສະຖາບັນຄົ້ນຄວ້າການພົວພັນສາກົນຂອງຝລັ່ງຕາມເວລາທ້ອງຖີ່ນ ທ່ານຫວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ກ່າວປາຖະກະຖາໃນຫົວເລື່ອງ “ຄວາມສາມັກຄີຮ່ວມມືກັນ, ເປີດປະຕູດ້ວຍຄວາມໂອບເອື້ອຍອາລີ ເພື່ອຮ່ວມກັນປົກປັກຮັກສາການພັດທະນາຂອງທົ່ວມວນມະນຸດໃຫ້ກ້າວໄປໜ້າໂດຍສັນຕິ”.
ທ່ານຫວາງຢີ້ກ່າວວ່າ: ໂດຍຜະເຊີນກັບສະພາບການສາກົນທີ່ປ່ຽນແປງຢ່າງບໍ່ຢຸດຢັ້ງ, ຈີນຈະເປີດກວ້າງການບໍລິໂພກພາຍໃນຕື່ມອີກ, ເປີດກວ້າງການເປີດປະຕູສູ່ພາຍນອກຕື່ມອີກ, ແລະຊົມໃຊ້ຜົນປະໂຫຍດຈາກການພັດທະນາຂອງຈີນກັບໂລກໃຫ້ຫຼາຍກວ່າເກົ່າ. ຈີນຈະສືບຕໍ່ຍຶດໝັ້ນການພັດທະນາດ້ວຍສັນຕິວິທີ, ຍຶດໝັ້ນເດີນໄປຕາມເສັ້ນທາງໃໝ່ແຫ່ງການພົວພັນລະຫວ່າງຊາດທີ່ມີການປຶກສາຫາລືຫາກບໍ່ແມນເປັນປໍລະປັກກັນ, ເປັນຄູ່ຮ່ວມມືກັນແຕ່ບໍ່ຮ່ວມກຸ່ມກັນ, ສ້າງການພົວພັນຄູ່ຮ່ວມມືທົ່ວໂລກໃຫ້ກວ້າງຂວາງກວ່າເກົ່າ; ຈີນຈະສືບຕໍ່ຍຶດໝັ້ນການພັດທະນາດ້ວຍການເປີດປະຕູສູ່ພາຍນອກ, ເຊິ່ງພວກເຮົາຈະພັດທະນາເສດຖະກິດແບບເປີດປະຕູທີ່ມີລະດັບສູງກວ່າເກົ່າ, ເພື່ອສ້າງສາພາບການໃໝ່ໃຫ້ແກ່ການຮ່ວມມືແບບເປີດປະຕູສູ່ພາຍນອກໃຫ້ສົມບຸນຮອບດ້ານ, ມີຫຼາຍລະດັບ ແລະມີຫຼາຍສີສັນ, ເພື່ອສ້າງໂອກາດຫຼາຍກວ່າເກົ່າໃຫ້ແກ່ທົ່ວໂລກ; ຈີນຈະສືບຕໍ່ຍຶດໝັ້ນການພັດທະນາດ້ວຍການຮ່ວມມືກັນ, ຈະສືບຕໍ່ຊຸກຍູ້ການຮ່ວມມືແລະປະ ສານງານກັບບັນດາປະເທດໃຫຍ່, ເພີ່ມທະວີມິດຕະພາບຖານບ້ານໃກ້ເຮືອນຄຽງກັບປະເທດອ້ອມຂ້າງ, ເພີ່ມທະວີຄວາມສາມັກຄີແລະຮ່ວມມືກັບບັນດາປະເທດທີ່ພວມພັດທະນາ; ຈີນຈະສືບຕໍ່ຍຶດໝັ້ນການພັດທະນາແບບຕ່າງຝ່າຍຕ່າງໄດ້ຜົນປະໂຫຍດ ໂດຍຈະຍຶດຖືຕາມທັດສະນະການບໍລິຫານໂລກດ້ວຍການປຶກສາຫາລືຮ່ວມກັນ, ສ້າງສາຮ່ວມກັນແລະຊົມໃຊ້ຮ່ວມກັນ, ຍຶດໝັ້ນໃນຍຸດທະສາດເປີດປະຕູສູ່ພາຍນອກທີ່ຕ່າງຝ່າຍຕ່າງໄດ້ຮັບປະໂຫຍດ ເພື່ອບັນລຸວິໄສທັດທີ່ພັດທະນາຮ່ວມກັນ; ຈີນຈະສືບຕໍ່ຍຶດໝັ້ນການພັດທະນາແບບໂອບເອື້ອອາລີ, ສືບຕໍ່ປົກປັກຮັກສາຄວາມຫຼາກຫຼາຍດ້ານອາລິຍະທຳຂອງໂລກດ້ວຍການກະທຳຕົວຈິງ ເພື່ອຊຸກຍູ້ຮູບການການພັດທະນາທີ່ແຕກຕ່າງກັນໃຫ້ສາມາດແລກປ່ຽນແລະຖອດຖອນບົດຮຽນເຊິ່ງກັນແລະກັນໄດ້.