ຂະແໜງການການຈໍລະຈອນແຈກຢາຍສິນຄ້າທີ່ທັນສະໄໝ ຂອງແຂວງຢຸນນານສ້າງຊ່ອງທາງສາກົນຂະໜາດໃຫຍ່

ໃນມື້ມໍ່ໆມານີ້, ແຂວງຢຸນນານໄດ້ອອກແຈ້ງການ "ຂໍ້ຕົກລົງວ່າດ້ວຍການເລັ່ງລັດການກໍ່ສ້າງລະບົບຂະແໜງການທີ່ທັນສະໄໝ", ກຳນົດຈະແຈ້ງເປົ້າໝາຍຂອງແຂວງຢຸນນານກ່ຽວກັບຂະແໜງການການຈໍລະຈອນແຈກຢາຍສິນຄ້າທີ່ທັນສະໄໝໃຫ້ກາຍເປັນຂະແໜງການທີ່ມີລະດັບມູນຄ່າການຜະລິດປະຈຳປີຮອດພັນຕື້ຢວນ ຄື: ຮອດປີ 2025, ການຈໍລະຈອນແຈກຢາຍສິນຄ້າຂອງແຂວງຢຸນນານຈະບັນລຸລາຍໄດ້ທັງໝົດ 1 ພັນຕື້ຢວນ (ປະມານ 145,3 ຕື້ໂດລາ), ໃນປີ 2030 ບັນລຸ 2 ພັນຕື້ຢວນ (ປະມານ 290,6 ຕື້ໂດລາ), ມູນຄ່າເພີ່ມຂອງຂະແໜງການການຈໍລະຈອນແຈກຢາຍສິນຄ້າທີ່ທັນສະໄໝ ກວມເອົາ 10% ຂອງ GDP , ຮອດປີ 2035, ສ້າງຊ່ອງທາງຂະໜາດໃຫຍ່ໃນການຈໍລະຈອນແຈກຢາຍສິນຄ້າສາກົນເພື່ອເຊື່ອມຕໍ່ພາຍໃນປະເທດຈີນ,ອວາຍໜ້າສູ່ອາຊີໃຕ້ອາຊີຕາເວັນອອກສ່ຽງໃຕ້ ແລະ ວົງການເສດຖະກິດອ້ອມຮອບມະຫາສະໝຸດອິນເດຍ.

ປີ 2019,ຂະແໜງການການຈໍລະຈອນແຈກຢາຍສິນຄ້າທີ່ທັນສະໄໝຂອງແຂວງຢຸນນານໄດ້ບັນລຸລາຍໄດ້ທັງໝົດ 574 ພັນຕື້ຢວນ (ປະມານ 83,39 ຕື້ໂດລາ), ມູນຄ່າເພີ່ມກວມເອົາ 8,6% ຂອງ GDP , ບັນດາບໍລິສັດການຈໍລະຈອນແຈກຢາຍສິນຄ້າຂອງແຂວງຢຸນນານຢູ່ຕ່າງປະເທດໄດ້ກວມເອົາປະເທດລາວ, ໄທ, ມຽນມາ, ຫວຽດນາມແລະປະເທດອື່ນໆ.

ປັດຈຸບັນນີ້,ແຂວງຢຸນນານກຳລັງໃຊ້ຫຼາຍມາດຕະການເພື່ອຊຸກຍູ້ການພັດທະນາຂະແໜງການການຈໍລະຈອນແຈກຢາຍສິນຄ້າທີ່ທັນສະໄໝ.

ການຈັດຕັ້ງປະຕິບັດໂຄງການ "ສອງຮ້ອຍ" (ສ້າງບັນດາໂຄງການການຈໍລະຈອນແຈກຢາຍສິນຄ້າຈໍານວນໜຶ່ງທີ່ມີມູນຄ່າການຜະລິດປະຈຳປີຫຼາຍກ່ວາ ສິບຕື້,ແລະ ບຳລຸງບັນດາວິສາຫະກິດການຈໍລະຈອນແຈກຢາຍສິນຄ້າຈໍານວນໜຶ່ງທີ່ມີມູນຄ່າການຜະລິດປະຈຳປີຫຼາຍກ່ວາສິບຕື້) ເພື່ອການພັດທະນາຂະແໜງການ.

ກໍ່ສ້າງລະບົບປະຕິບັດການຈໍລະຈອນແຈກຢາຍສິນຄ້າທີ່ທັນສະໄໝຄື "ຊ່ອງທາງ + ສູນໃຈກາງ + ເຄືອຂ່າຍ". ກໍ່ສ້າງຊ່ອງທາງການຈໍລະຈອນແຈກຢາຍສິນຄ້າສາກົນຂະໜາດໃຫຍ່ທີ່ມີການພັດທະນາຫຼາຍວິທີການຂົນສົ່ງສາກົນຮ່ວມກັນເຊັ່ນ: ການຂົນສົ່ງທາງອາກາດ, ການຂົນສົ່ງທາງລົດໄຟຂ້າມຊາຍແດນ ແລະ ການຂົນສົ່ງທາງບົກຂ້າມຊາຍແດນ ໃຫ້ໄດ້ຮັບການພັດທະນາໄປພ້ອມໆກັນ,ຊຸກຍູ້ການຈັດວາງ ແລະ ກໍ່ສ້າງສູນໃຈກາງການຈໍລະຈອນແຈກຢາຍສິນຄ້າແຫ່ງຊາດ, ແລະເຄືອຂ່າຍການຈໍລະຈອນແຈກຢາຍສິນຄ້າຂອງແຂວງຢຸນນານ.

ວາງແຜນ ແລະ ຂະຫຍາຍເຄືອຂ່າຍການຈໍລະຈອນແຈກຢາຍສິນຄ້າຂ້າມເຂດ, ອ່ວຍຫນ້າສູ່ວົງການເສດຖະກິດອ້ອມຮອບມະຫາສະໝຸດອິນເດຍ, ເຊື່ອມຕໍ່ສາຍທາງເສດຖະກິດແມ່ນ້ຳຢັງຊີກຽງ ແລະ ເຄືອຂ່າຍການຈໍລະຈອນແຈກຢາຍສິນຄ້າຂ້າມເຂດຂອງຫຼາຍວົງການເສດຖະກິດເຊັ່ນ ປັກກິ່ງ-ທຽນຈິນ-ເຫີເປີຍ ແລະ ອື່ນໆ.

ການຈັດຕັ້ງປະຕິບັດວິສະວະກຳການຈໍລະຈອນແຈກຢາຍສິນຄ້າຕ່ອງໂສ້ເຢັນ, ປັບປຸງເຄືອຂ່າຍການແຈກຢາຍໃນຕົວເມືອງ ແລະ ຊົນນະບົດໃຫ້ມີປະສິດຕິພາບ.

ສ້າງຈຸດທົດລອງການຈໍລະຈອນແຈກຢາຍສິນຄ້າອັດສະລິຍະ, ສ້າງຕັ້ງສະຫະພັນການພັດທະນາສາຍໂສ້ສະໜອງທົ່ວໂລກທີ່ອ່ວາຍໜ້າສູ່ອາຊີໃຕ້ແລະອາຊີຕາເວັນອອກສ່ຽງໃຕ້,ເພື່ອສ້າງລະບົບການຈໍລະຈອນແຈກຢາຍສິນຄ້າສາຍໂສ້ການສະໜອງທີ່ສະຫຼາດ.

ເສີມຂະຫຍາຍບົດບາດເວທີປະເພດເປີດກວ້າງ ເຊັ່ນເຂດທົດລອງການຄ້າເສລີຂອງຈີນ (ຢູນນານ)ແລະອື່ນໆ, ເພື່ອເຕົ້າໂຮມບັນດາອົງປະກອບຂອງແຫຼ່ງຊັບພະຍາກອນການຈໍລະຈອນແຈກຢາຍສິນຄ້າຢ່າງມີປະສິດທິຜົນ.