ຕົວເລກສະຖິຕິສະບັບຫຼ້າສຸດທີ່ກະຊວງການຄ້າຈີນປະກາດນັ້ນ ສະແດງໃຫ້ເຫັນວ່າ, ນັບແຕ່ເດືອນມັງກອນຫາເດືອນກໍລະກົດປີນີ້, ໂດຍໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ແລະປັດໄຈອື່ນໆ, ຂະໜາດການຄ້າການບໍລິການຂອງຈີນໄດ້ຫຼຸດລົງ, ແຕ່ການຄ້າບໍລິການທີ່ສົ່ງອອກດີກວ່າການຄ້າການບໍລິການທີ່ນຳເຂົ້າຢ່າງຈະແຈ້ງ, ຄວາມແຕກໂຕນກັນດ້ານການຄ້າໄດ້ຫຼຸດໜ້ອຍລົງ, ອັດຕາການຄ້າການບໍລິການທີ່ນຳໃຊ້ຄວາມຮູ້ສູງນັ້ນ ໄດ້ຖືກຍົກສູງຂຶ້ນ. ພາຍໃຕ້ສະພາບການໃໝ່, ການຄ້າການບໍລິການໄດ້ກາຍເປັນເສົາຄ້ຳໃໝ່ໃນການຮັກສາການເຕີຍໂຕທາງດ້ານເສດຖະກິດໃຫ້ໝັ້ນທ່ຽງ.
ພ້ອມກັນນັ້ນ, ໂຄງປະກອບຂອງການຄ້າການບໍລິການຂອງຈີນໄດ້ມີການປັບປຸງໃຫ້ດີຂຶ້ນຕື່ມອີກ. ການຄ້າການບໍລິການທີ່ນຳໃຊ້ຄວາມຮູ້ສູງ ລວມທັງການບໍລິການຂໍ້ມູນຂ່າວສານຄອມພິວເຕີ ການບໍລິການທີ່ປຶກສາແລະອື່ນໆ ໄດ້ກວມຍອດມູນຄ່າການຄ້າການບໍລິການ 27,3% ໃນປີ 2015, ຮອດປີ 2019, ໄດ້ຖືກຍົກສູງຂຶ້ນເປັນ 34,7%.