ທ່ານສີຈິ້ນຜິງພ້ອມດ້ວຍຜູ້ນຳພັກລັດທ່ານອື່ນໆພົບປະກັບຜູ້ແທນທີ່ໄດ້ຮັບການຍ້ອງຍໍ ແລະຖ່າຍຮູບນຳກັນ
ເວລາ10 ໂມງເຊົ້າຂອງວັນທີ 8 ກັນຍານີ້, ພິທີຍ້ອງຍໍບຸກຄົນແລະໜ່ວຍງານດີເດັ່ນໃນການຕ້ານກັບພະຍາດໂຄວິດ-19ທົ່ວປະເທດໄດ້ຈັດຂຶ້ນຢູ່ນະຄອນຫຼວງປັກກິ່ງ.
ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ໃຫ້ກຽດປະດັບຫຼຽນໄຊໃຫ້ແກ່ຜູ້ທີ່ໄດ້ຮັບຫຼຽນໄຊແຫ່ງຊາດແລະຜູ້ທີ່ໄດ້ຮັບນາມມະຍົດແຫ່ງຊາດ ແລະໄດ້ກ່າວຄຳປາໄສສຳຄັນ.
ໃນພິທີຄັ້ງນີ້ ຍັງໄດ້ຍ້ອງຍໍບຸກຄົນກ້າວໜ້າ, ໜ່ວຍງານກ້າວໜ້າ, ສະມາຊິກພັກກອມມູນິດຈີນຜູ້ດີເດັ່ນລະດັບຊາດ ແລະການຈັດຕັ້ງພັກຂັ້ນຮາກຖານທີ່ກ້າວໜ້າລະດັບຊາດໃນການຕ້ານກັບພະຍາດໂຄວິດ-19ໃນທົ່ວປະເທດ.
ກ່ອນພິທີຍ້ອງຍໍ, ທ່ານສີຈິ້ນຜິງພ້ອມດ້ວຍຜູ້ນຳພັກລັດທ່ານອື່ນໆໄດ້ພົບປະກັບຜູ້ໄດ້ຮັບຫຼຽນໄຊແຫ່ງຊາດແລະຜູ້ໄດ້ຮັບນາມມະຍົດແຫ່ງຊາດ, ບຸກຄົນກ້າວໜ້າ, ຜູ້ຕາງໜ້າໜ່ວຍງານກ້າວໜ້າໃນການຕ້ານກັບພະຍາດໂຄວິດ-19ໃນທົ່ວປະເທດ ແລະຖ່າຍຮູບຮ່ວມກັນ.