ວັນທີ 13 ກັນຍານີ້, ກອງປະຊຸມເຮືອບິນບໍ່ມີຄົນຂັບໂລກຄັ້ງທີ 4 ປີ 2020ພາຍໃຕ້ຫົວຂໍ້ “ສ້າງອະນາຄົດໃໝ່ດ້ວຍປັນຍາປະດິດ” ແລະງານວາງສະແດງເຮືອບິນບໍ່ມີຄົນຂັບສາກົນເຊີ່ນເຈີ້ນຄັ້ງທີ 5 ໄດ້ໄຂຂຶ້ນຢູ່ນະຄອນເຊີ່ນເຈີ້ນແຂວງກວາງຕຸ້ງ ສປ ຈີນ. ວິສາຫະກິດເຮືອບິນບໍ່ມີຄົນຂັບຂອງຈີນແລະຕ່າງປະເທດ 400 ກວ່າແຫ່ງໄດ້ນຳເອົາເຮືອບິນບໍ່ມີຄົນຂັບ 1 ພັນກວ່າລຳເຂົ້າຮ່ວມວາງສະແດງພາຍໃນງານ, ວິສາຫະກິດຫຼາຍແຫ່ງໄດ້ແນະນຳເຮືອບິນບໍ່ມີຄົນຂັບລຸ້ນໃໝ່ພາຍໃນງານ.
ໃນຖານະເປັນຖານການຜະລິດທີ່ສຳຄັນທີ່ສຸດຂອງເຮືອບິນບໍ່ມີຄົນຂັບທາງພົນລະເຮືອນຂອງໂລກ, ປີ 2019, ຂະແໜງການເຮືອບິນບໍ່ມີຄົນຂັບຂອງຈີນໄດ້ຮັກສາການເຕີບໂຕອ່າວໄວ, ມູນຄ່າການຄ້າບັນລຸຫຼາຍກວ່າ 50 ຕື້ຢວນ. ຄາດວ່າ, ປີ 2020, ມູນຄ່າການຜະລິດເຮືອບິນບໍ່ມີຄົນຂັບທາງພົນລະເຮືອນຂອງຈີນຈະບັນລຸເຖິງ 60 ຕື້ຢວນ, ຮອດປີ 2025 ຈະເພີ່ມຂຶ້ນເປັນ 180 ຕື້ຢວນ.