ພິທີເປີດກິດຈະກຳຂອງສື່ມວນຊົນທົ່ວປະເທດໃນການຊ່ວຍເຫຼືອຫຼຸດຜ່ອນຄວາມທຸກຍາກດ້ານສຸຂະພາບ ຂະບວນແຂວງຢຸນນານ “ສຸຂະພາບດີສູ້ຊົນເພື່ອຄວາມຢູ່ດີກິນດີ”

ວັນທີ 13 ກັນຍາ, ພິທີເປີດກິດຈະກຳຂອງສື່ມວນຊົນທົ່ວປະເທດໃນການຊ່ວຍເຫຼືອຫຼຸດຜ່ອນຄວາມທຸກຍາກດ້ານສຸຂະພາບ ຂະບວນແຂວງຢຸນນານ “ສຸຂະພາບດີສູ້ຊົນເພື່ອຄວາມຢູ່ດີກິນດີ” ໄດ້ຈັດຂຶ້ນ ທີ່ ເມືອງຊຽງເກີລີລາ (Shangri-la), ກິ່ງແຂວງປົກຄອງຕົນເອງຊົນເຜົ່າຕິເບດຕີຊິ້ງ (Diqing Tibetan Autonomous Prefecture) ແຂວງຢຸນນານ (Yunnan Province). ກິດຈະກຳຄັ້ງນີ້ມີຄະນະກຳມະການສາທາລະນະສຸກ ແລະ ສຸຂະພາບເປັນເຈົ້າພາບ, ເວັບໄຊ້ເຄືອຂ່າຍຢຸນນານ (Yunnan Network) ເປັນເຈົ້າການຈັດ, ກິດຈະກຳຈະດຳເນີນຕໍ່ເນື່ອງໄປຈົນຮອດວັນທີ 19 ກັນຍາ.

ໃນໄລຍະກິດຈະກຳ, ສື່ມວນຊົນສູນກາງແຫ່ງປະເທດຈີນ, ສື່ມວນຊົນສູນກາງປະຈຳແຂວງຢຸນນານ ແລະ ສື່ມວນຊົນຫຼັກຂັ້ນແຂວງເຊັ່ນ: ເວັບໄຊ້ໂທລະທັດສູນກາງແຫ່ງປະເທດຈີນ (CCTV), ໜັງສືພິມລາຍວັນຢຸນນານ, ເວັບໄຊ້ເຄືອຂ່າຍຢຸນນານ, ເວັບໄຊ້ປະຕູສູ່ຢຸນນານ (Yunnan Gateway) ເປັນຕົ້ນ, ໄດ້ລົງເລິກເຂົ້າໃນເຂດທີ່ມີຄວາມທຸກຍາກລະດັບສູງຂອງ ກິ່ງແຂວງປົກຄອງຕົນເອງຊົນເຜົ່າຕິເບດຕີຊິ້ງ (Diqing Tibetan Autonomous Prefecture), ເມືອງລີ້ຈ່ຽງ (Lijiang City), ກິ່ງແຂວງປົກຄອງຕົນເອງເຜົ່າປາຍ ຕ້າຫຼີ (Dali Bai Autonomous Prefecture) ແລະ ເຂດຕົງຊວນ (Dongchuan District) ຂອງເມືອງຄຸນໝິງ (Kunming City), ຈຸດສຳຄັນແມ່ນວຽກງານການສຶກສາຄົ້ນຄວ້າ ແລະ ການສຳພາດລາຍງານ ທີ່ປິ່ນອ້ອມການກໍ່ສ້າງກົນໄກສາທາລະນະສຸກການປິ່ນປົວໃນເມືອງ ແລະ ຊົນນະບົດ, ການຝຶກອົບຮົມບຸກຄະລາກອນ, ການຍົກລະດັບຄວາມສາມາດ ແລະ ການກໍ່ສ້າງກົນໄກແບບ “ເມືອງ ແລະ ຊົນນະບົດເປັນລະບົບດຽວກັນ” ແລະ ສະພາບການຂອງການປະຕິບັດນະໂຍບາຍ ແລະ ການປະສານງານຊ່ວຍເຫຼືອເພື່ອຫຼຸດພົ້ນຄວາມທຸກຍາກຂອງພາກຕາເວັນຕົກ - ພາກຕາເວັນອອກ, ລວມທັງສະພາບການບໍລິການດ້ານສາທາລະນະສຸກ - ການປິ່ນປົວ ຢູ່ສະຖານທີ່ຈັດສັນສຳລັບການຍົກຍ້າຍ ເພື່ອຫຼຸດຜ່ອນຄວາມທຸກຍາກ.

ອີງຕາມຂໍ້ມູນ, ນັບຕັ້ງແຕ່ມີໂຄງການຊ່ວຍເຫຼືອຫຼຸດຜ່ອນຄວາມທຸກຍາກດ້ານສຸຂະພາບເປັນຕົ້ນມາ, ລະບົບການຮັບປະກັນການປິ່ນປົວຂອງເຂດທຸກຍາກໃນແຂວງຢຸນນານກໍໄດ້ຮັບການປັບປຸງໃຫ້ດີຂຶ້ນຢ່າງຕໍ່ເນື່ອງ, ກົນໄກສາທາລະນະສຸກ ແລະ ການປິ່ນປົວກໍມີໂສມໜ້າໃໝ່, ຄວາມສາມາດການບໍລິການດ້ານການປິ່ນປົວກໍມີການຍົກລະດັບທີ່ເຫັນໄດ້ຢ່າງຈະແຈ້ງ, ສະພາບແວດລ້ອມດ້ານສຸຂະພາບຂອງປະຊາຊົນໃນເຂດທຸກຍາກກໍມີການປັບປຸງໃຫ້ດີຂຶ້ນຢ່າງແຈ່ມແຈ້ງ, ຄວາມຮູ້ສຶກທີ່ໄດ້ຮັບໃນການກວດພະຍາດການປິ່ນປົວພະຍາດ ແລະ ຄວາມສຸກດ້ານສຸຂະພາບ ແລະ ອະນາໄມຂອງປະຊາຊົນບັນດາເຜົ່າໃນທົ່ວແຂວງກໍນັບມື້ນັບດີຂຶ້ນຢ່າງບໍ່ຢຸດຢັ້ງ.