ພິທີເປີດກິດຈະກຳ ສຳພາດຂ່າວ ຂອງສື່ມວນຊົນສຳຄັນທາງອອນລາຍ ຂອງການໂຄສະນາ ຕໍ່ຕ່າງປະເທດ ໃນຫົວຂໍ້ຫຼັກ"ກ້າວເຂົ້າສູ່ຢຸນນານ ເບິ່ງສັງຄົມຢູ່ດີກິນດີ"

ວັນທີ 21 ກັນຍາ, ພິທີເປີດກິດຈະກຳ ສຳພາດຂ່າວ ຂອງ ສື່ມວນຊົນສຳຄັນທາງອອນລາຍ ຂອງການໂຄສະນາຕໍ່ຕ່າງປະເທດ ໃນຫົວຂໍ້ຫຼັກ " ກ້າວເຂົ້າສູ່ຢຸນນານ ເບິ່ງສັງຄົມຢູ່ດີກິນດີ ". ກິດຈະກຳຄັ້ງນີ້ມີຫ້ອງການຂໍ້ມູນຂ່າວສານທາງອິນເຕີເນັດຂອງຄະນະພັກແຂວງຢຸນນານເປັນເຈົ້າພາບ, ເວັບໄຊ້ປະຕູສູ່ຢຸນນານ（yunnangateway） ກຸ່ມກິດຈະການໜັງສືພິມລາຍວັນຢຸນນານເປັນເຈົ້າການຈັດ, ກິດຈະກຳດັ່ງກ່າວຈະດຳເນີນຕໍ່ເນື່ອງໄປຈົນຮອດວັນທີ 25 ກັນຍາ, ໂດຍນຳໃຊ້ວິທີການ "ການສຳພາດແບບອອບລາຍ + ເຜີຍແຜ່ຕໍ່ພາຍໃນ ແລະ ຕ່າງປະເທດ ແບບອອນລາຍ".

ສື່ມວນຊົນທີ່ເຂົ້າຮ່ວມການສຳພາດ ໃນຫົວຂໍ້ອອບລາຍ (offline) ນີ້ມີ 3 ເວັບໄຊທ໌ຫລາຍພາສາ ທີ່ໂຄສະນາຕໍ່ຕ່າງປະເທດ ຂອງແຂວງຢຸນນານເຊັ່ນ: ເວັບໄຊປະຕູສູ່ຢຸນນານ (yunnangateway), ເວັບໄຊຈີຊຽງ ແລະ ເວັບໄຊທ່າເຮືອຂໍ້ມູນຄຸນໝິງ. ທີມສຳພາດຈະເດີນທາງໄປ ເຂດທົດລອງການຄ້າເສລີ (ແຂວງຢຸນນານ) ປະເທດຈີນ ເຂດຄຸນໝິງ, ເມືອງຢູຊີ, ເມືອງຫົງເຫີ ກິ່ງແຂວງປົກຄອງຕົນເອງຊົນເຜົ່າຢີ ຊົນເຜົ່າຮານີຫົງເຫີ ແລະ ອື່ນໆ, ໄປຢ້ຽມຢາມບໍລິສັດການຄ້າເອເລັກໂທຣນິກຂ້າມຊາຍແດນ, ຊຸມຊົນແຫ່ງຄວາມສຸກໃນຊົນນະບົດ, ການຊ່ວຍເຫຼືອເພື່ອຫຼຸດພົ້ນອອກຈາກຄວາມທຸກຍາກໂດຍໃຊ້ເຕັກໂນໂລຢີກະສິກຳ ແລະ ຮູບແບບການປົກຄອງເຂດພູດອຍ ແລະ ອື່ນໆ. "ຮູບແບບຂອງສັງຄົມຢູ່ດີກິນດີ" ທີ່ມີການສ້າງບ້ານເຮືອນທີ່ສວຍງາມ ແລະ ແບ່ງປັນຊີວິດທີ່ມີຄວາມສຸກໃນເຂດຕ່າງໆຂອງແຂວງຢຸນນານ ໄດ້ສະແດງໃຫ້ເຫັນຈາກດ້ານຕ່າງໆເຊັ່ນ ຈາກຊາຍແດນສູ່ການເປີດກວ້າງຕໍ່ຕ່າງປະເທດ, ການດຳລົງຊີວິດຢູ່ໃນຊຸມຊົນ ແລະການຕໍ່ສູ້ກັບຄວາມທຸກຍາກໃນເຂດພູດອຍ.

ບົດລາຍງານສຳພາດຫົວຂໍ້ນີ້ຈະຖືກແປເປັນພາສາອັງກິດ, ກຳປູເຈຍ, ໄທ, ລາວ, ມຽນມາ ແລະ ພາສາອື່ນໆເພື່ອດຳເນີນການເຜີຍແຜ່ຂ່າວ, ທັງສົ່ງໃຫ້ບັນດາສື່ມວນຊົນຫຼັກຫຼາຍແຫ່ງເຊັ່ນ: ສື່ມວນຊົນອາຊີໃຕ້ ແລະ ອາຊີຕາເວັນອອກສ່ຽງໃຕ້, ສື່ມວນຊົນສະຫະລັດອາເມລິກາ ແລະ ປະເທດອື່ນໆ,ພ້ອມທັງສື່ມວນຊົນອອນລາຍທີ່ເຜີຍແຜ່ຕໍ່ພາຍໃນ ແລະ ຕ່າງປະເທດຈຳນວນໜຶ່ງ. ເລົ່າເລື່ອງ "ເລື່ອງເລົ່າຂອງຈີນ" ໃນການຫຼຸດພົ້ນອອກຈາກຄວາມທຸກຍາກ ໃຫ້ທັງພາຍໃນ ແລະ ຕ່າງປະເທດໄດ້ຮັບຮູ້, ສົ່ງຕໍ່ "ພະລັງຂອງຈີນ" ທີ່ເປັນສັງຄົມຢູ່ດີກິນດີຢ່າງຮອບດ້ານ, ແລະສະແດງໃຫ້ເຫັນເຖິງຜົນສຳເລັດ ແລະ ປະສົບການຂອງແຂວງຢຸນນານໃນການແກ້ໄຂຄວາມທຸກຍາກ.