ຂໍ້ມູນທີ່ກະຊວງການຄ້າຈີນໄດ້ເປີດເຜີຍໃນວັນທີ 8 ຕຸລານີ້ສະແດງໃຫ້ເຫັນວ່າ: ແຕ່ວັນທີ 1 ຫາວັນທີ 8 ຕຸລານີ້, ມູນຄ່າການຈຳໜ່າຍຂອງວິສາຫະກິດສຳຄັນດ້ານການຂາຍຍ່ອຍແລະອາຫານໃນທົ່ວປະເທດມີປະມານ 1.600 ຕື້ຢວນ, ມູນຄ່າການຈຳໜ່າຍທີ່ສະເລ່ຍຕໍ່ຫົວຄົນໄດ້ເພີ່ມຂຶ້ນຫຼາຍກວ່າສັບປະດາພັກວັນຊາດຈີນຂອງປີກາຍ 4,9%.
ຜູ້ຮັບຜິດຊອບທີ່ກ່ຽວຂ້ອງຂອງກະຊວງການຄ້າຈີນກ່າວວ່າ: ໃນໂອກາດທີ່ວັນຊາດຈີນກັບບຸນໄຫວ້ພະຈັນມີຂຶ້ນໃນໄລຍະດຽວກັນ, ບົນພື້ນຖານທີ່ປະຕິບັດມາດຕະການປ້ອງກັນແລະຄວບຄຸມພະຍາດໄດ້ເປັນຢ່າງດີ, ແຫ່ງຕ່າງໆໃນທົ່ວປະເທດຈີນໄດ້ຈັດຕັ້ງກິດຈະກຳສົ່ງເສີມການບໍລິໂພກທີ່ມີຫຼາກຫຼາຍສີສັນຢ່າງຕັ້ງໜ້າ, ຄວາມຕ້ອງການດ້ານການບໍລິໂພກໄດ້ເພີ່ມຂຶ້ນ, ຕະຫຼາດໄດ້ເຕີບໂຕຂຶ້ນຢ່າງຕໍ່ເນື່ອງ.