ວັນທີ 9 ຕຸລານີ້, ທ່ານເຕໂດຣສ, ຜູ້ອຳນວຍການໃຫຍ່ອົງການອະນາໄມໂລກກ່າວວ່າ, ໃນອາທິດນີ້, ຈີນ, ສ. ເກົາຫຼີ ແລະປະເທດຕ່າງໆ ໄດ້ເຂົ້າຮ່ວມ“ແຜນປະຕິບັດງານກ່ຽວກັບຢາວັກຊີນໂຄວິດ-19”. ປະຈຸບັນ, ຢູ່ໃນໂລກ ມີ 171 ປະເທດ ແລະອົງກອນເສດຖະກິດໄດ້ເຂົ້າຮ່ວມແຜນປະຕິບັດງານດັ່ງກ່າວແລ້ວ. ພາຍຫຼັງໄດ້ຮັບຢາວັກຊີນໂຄວິດ-19 ແລ້ວ, ປະເທດ ແລະອົງກອນເສດຖະກິດທີ່ກ່ຽວຂ້ອງຈະນຳໃຊ້ຢາວັກຊີນຢ່າງສະເໝີພາບໂດຍຜ່ານແຜນປະຕິບັດງານດັ່ງກ່າວ. ເປົ້າໝາຍຂອງແຜນປະຕິບັດງານນີ້ແມ່ນເພື່ອຮັບປະກັນການຜະລິດ ແລະແບ່ງປັນຢາວັກຊີນໂຄວິດ-19 ບັນລຸຈຳນວນ 2 ຕື້ຊຸດກ່ອນທ້າຍປີ 2021.