ຈາກ 7 ໝື່ນຕື້ຢວນເພີ່ມຂຶ້ນເປັນ 1 ແສນຕື້ຢວນ, ໃນໄລຍະປະຕິບັດ“ແຜນການ 5 ປີຄັ້ງທີ 13”（2016-2020）, ມູນຄ່າທາງເສດຖະກິດຂອງຈີນໄດ້ກ້າວຂຶ້ນຢູ່ລະດັບໃໝ່ຢ່າງບໍ່ຢຸດຢັ້ງ. ພ້ອມດຽວກັນນັ້ນ, ຕະຫຼາດພາຍໃນປະເທດຈີນນັບມື້ນັບເຂັ້ມແຂງຂຶ້ນ, ຄວາມສາມາດດ້ານການປະດິດສ້າງໃໝ່ໄດ້ຖືກຍົກສູງຢ່າງບໍ່ຢຸດຢັ້ງ, ເສດຖະກິດຈີນໄດ້ເຂົ້າສູ່ໄລຍະພັດທະນາທີ່ມີຄຸນະພາບສູງ.
ຕາມສະຖິຕິສະແດງໃຫ້ເຫັນວ່າ: ນັບຕັ້ງແຕ່ປີ 2016 ຫາປີ 2019, ອັດຕາການເຕີບໂຕທາງເສດຖະກິດຈີນບັນລຸເຖິງ 6,7% ຕໍ່ປີ, ໃນປີ 2019, ອັດຕາປະກອບສ່ວນຂອງເສດຖະກິດຈີນທີ່ມີຕໍ່ເສດຖະກິດໂລກໄດ້ບັນລຸຫຼາຍກວ່າ 32%, ລວມຍອດຜະລິດຕະພັນພາຍໃນ ຫຼື GDP ສະເລ່ຍຕໍ່ຫົວຄົນຫຼາຍກວ່າ 1 ໝື່ນໂດລາສະຫະລັດ.
ໃນໄລຍະ 5 ປີມານີ້, ຈີນໄດ້ປະສົບຜົນສຳເລັດອັນໃຫຍ່ຫຼວງໃນດ້ານການສ້າງສາປະເທດດ້ວຍການປະດິດສ້າງໃໝ່. ຄືປີ 2019, ລາຍຈ່າຍດ້ານການຄົ້ນຄວ້າພັດທະນາຂອງທົ່ວສັງຄົມບັນລຸເຖິງ 2170 ຕື້ໂດລາສະຫະລັດ. ປັດຈຸບັນ, ຍອດມູນຄ່າການລົງທຶນດ້ານການຄົ້ນຄວ້າພັດທະນາຂອງຈີນຢູ່ໃນອັນດັບທີ 2 ຂອງໂລກ, ດັດຊະນີການປະດິດສ້າງໃໝ່ຢູ່ອັນດັບທີ 14 ຂອງໂລກ.