ທ່ານສີຈິ້ນຜິງ,ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງໄດ້ໄປສຳຫຼວດກວດກາວຽກງານຢູ່ກອງທັບເຮືອສູ້ຮົບທາງບົກໃນວັນທີ13ຕຸລານີ້. ທ່ານກ່າວເນັ້ນວ່າ, ກອງທັບເຮືອສູ້ຮົບທາງບົກໄດ້ແບກຫາບໜ້າທີ່ຮັບຜິດຊອບທີ່ສຳຄັນໃນການປ້ອງກັນຄວາມໝັ້ນຄົງ,ອະທິປະໄຕແຫ່ງຊາດແລະຜືນແຜ່ນດິນອັນຄົບຖ້ວນຂອງຊາດ, ປົກປັກຮັກສາສິດແລະຜົນປະໂຫຍດທາງທະເລຂອງຊາດ ພ້ອມກັບສິດແລະຜົນປະໂຫຍດຂອງຊາດຢູ່ຕ່າງປະເທດ. ຕ້ອງເລັ່ງລັດຊຸກຍູ້ການປ່ຽນແປງຮູບແບບ,ແລະຍົກຄວາມສາມາດໃນການສູ້ຮົບໃຫ້ສູງຂຶ້ນໂດຍໄວ,ພະຍາຍາມສ້າງຕົນເອງໃຫ້ເປັນກອງທັບທີ່ສຸດຍອດທີ່ມີບົດບາດຫຼາຍ,ສາມາດຮັບມືກັບກໍລະນີສຸກເສີນໄດ້ໄວ ແລະເຄື່ອນໄຫວໄດ້ໃນທຸກເງື່ອນໄຂ.
ກອງທັບເຮືອສູ້ຮົບທາງບົກໄດ້ຮັບການສ້າງຕັ້ງຂຶ້ນ ຕາມນະໂຍບາຍຂອງສູນກາງພັກກອມມູນິດແລະຄະນະກຳມະການການທະຫານສູນກາງຈີນກ່ຽວກັບການລົງເລິກການປ້ອງກັນປະເທດແລະການປະຕິຮູບກອງທັບໃນປີ2017.