ຫວ່າງມໍ່ໆມານີ້, ທ່ານໂຈ່ວຈື້ວູ ຮອງຫົວໜ້າອົງການພາສີແຫ່ງຊາດຈີນກ່າວວ່າ: ໃນໄລຍະປະຕິບັດແຜນການ 5 ປີຄັ້ງທີ 13, ຂະໜາດການຄ້າສິນຄ້າປະເພດຈັບຕ້ອງໄດ້ຂອງຈີນໄດ້ເປັນອັນດັບໜຶ່ງຂອງໂລກເປັນເວລາຫຼາຍປີ, ຍອດມູນຄ່າຂາເຂົ້າຂາອອກສິນຄ້າດັ່ງກ່າວໄດ້ກວມຫຼາຍກວ່າ 11% ຂອງໂລກ. “ປີ 2019, ຍອດມູນຄ່າຂາເຂົ້າຂາອອກສິນຄ້າປະເພດຈັບຕ້ອງໄດ້ຂອງຈີນບັນລຸໄດ້ 31.540 ຕື້ຢວນ, ສ້າງສະຖິຕິສູງສຸດຄັ້ງໃໝ່. ວິສາຫະກິດເອກະຊົນຈີນໄດ້ລື່ນກາຍວິສາຫະກິດທຶນຕ່າງປະເທດເປັນຄັ້ງທຳອິດ ແລະກາຍເປັນອົງກອນການຄ້າຕ່າງປະເທດທີ່ໃຫຍ່ກວ່າໝູ່.
ໃນ 5 ປີຜ່ານມານີ້, ການສົ່ງອອກສິນຄ້າປະເພດຈັບຕ້ອງໄດ້ຂອງຈີນນັ້ນ, ຍີ່ຫໍ້ຂອງຈີນສືບຕໍ່ພັດທະນາເຕີບໂຕຂຶ້ນ, ຜະລິດຕະພັນກົນຈັກ, ເຄື່ອງຜະລິດໄຟຟ້າແລະຜະລິດຕະພັນເຄື່ອງອຸປະກອນທີ່ມີມູນຄ່າເພີ່ມໃນລະດັບສູງກໍໄດ້ຮັກສາທ່ວງທ່າເຕີບໂຕໄດ້ເປັນຢ່າງດີ, ກຳລັງແຂ່ງຂັນໃນຕະຫຼາດສາກົນກໍໄດ້ເພີ່ມຂຶ້ນ. ໜັງສືພິມ Financial Times ຂອງອັງກິດໄດ້ພິມບົດຄວາມໃນຫວ່າງກ່ອນນີ້ບໍ່ດົນໂດຍຕີລາຄາວ່າ: “ຖານະນຳໜ້າຂອງຈີນໃນຕະຫຼາດການສົ່ງອອກຂອງໂລກນັ້ນໄດ້ບັນລຸລະດັບນຳໜ້າທີ່ບໍ່ເຄີຍມີມາກ່ອນ.”