ຈັງຫວະການເຕີບໂຕຂອງເສດຖະກິດຈີນທີ່ໄດ້ຮັບຜົນກະທົບຈາກພະຍາດສາມາດພິກຈາກຕົວເລກລົບເປັນຕົວເລກບວກເຊິ່ງໃຫ້ຜົນທີ່ໜ້າຕື່ນເຕັ້ນ
ວັນທີ 19 ຕຸລານີ້, ອົງການສະຖິຕິແຫ່ງຊາດຈີນໄດ້ປະກາດສະພາບການເຄື່ອນໄຫວດ້ານເສດຖະກິດຂອງຈີນໃນ 3 ໄມຕາດຂອງປີນີ້. ຈາກການຄິດໄລ່ເບື້ອງຕົ້ນ, ໃນສາມໄຕມາດຂອງປີນີ້, ລວມຍອດຜະລິດຕະພັນພາຍໃນຫຼື GDP ຂອງຈີນໄດ້ບັນລຸເຖິງ 72.278,6 ຕື້ຢວນ, ເມື່ອທຽບໃສ່ໄລຍະດຽວກັນຂອງປີຜ່ານມາໄດ້ເພີ່ມຂຶ້ນ 0,7%.
ໃນ 3 ໄຕມາດຂອງປີນີ້, ການລົງທຶນດ້ານຊັບສິນຄົງທີ່ຂອງທົ່ວປະເທດຈີນແມ່ນ 43653 ຕື້ຢວນ, ເມື່ອທຽບໃສ່ໄລຍະດຽວກັນຂອງປີຜ່ານມາໄດ້ເພີ່ມຂຶ້ນ 0,8%, ຈັງຫວະຄວາມໄວຂອງການເຕີບໂຕພາຍໃນປີ 2020 ຈາກຕົວເລກລົບສາມາດພິກເປັນຕົວເລກບວກໄດ້ເປັນຄັ້ງທຳອິດ. ໃນເດືອນກັນຍາຜ່ານມານີ້, ຍອດມູນຄ່າຂາຍຍ່ອຍເຄື່ອງບໍລິໂພກຂອງທົ່ວປະເທດຈີນບັນລຸເຖິງ 3529,5 ຕື້ຢວນ, ເມື່ອທຽບໃສ່ໄລຍະດຽວກັນຂອງປີຜ່ານມາໄດ້ເພີ່ມຂຶ້ນ 3,3%, ໄດ້ສ້າງສະຖິຕິສູງສຸດໃນປີນີ້; ເດືອນກັນຍາຜ່ານມານີ້, ມູນຄ່າສົ່ງອອກສິນຄ້າໄດ້ເພີ່ມຂຶ້ນ 8,7%, ການນຳເຂົ້າສິນຄ້າໄດ້ເພີ່ມຂຶ້ນ 11,6%, ຈັງຫວະຄວາມໄວຂອງການເຕີບໂຕດັ່ງກ່າວໄດ້ສ້າງສະຖິຕິສູງສຸດອີກຄັ້ງໜຶ່ງ, 3 ໂຕຊີ້ບອກສຳຄັນຂອງ GDP ລ້ວນແຕ່ມີທິດທາງທີ່ດີຂຶ້ນ, ນີ້ແມ່ນເລື່ອງທີ່ໜ້າບິດິຊົມຊື່ນທີ່ສຸດ.
ບົດລາຍງານ “ຈ້ອງເບິ່ງເສດຖະກິດໂລກ” ສະບັບຫຼ້າສຸດທີ່ອົງການກອງທຶນເງິນຕາສາກົນຫຼື IMF ເປີດເຜີຍໃນອາທິດແລ້ວນີ້, ໄດ້ປັບຈັງຫວະຄວາມໄວຂອງການເຕີບໂຕຂອງ GDP ຂອງຈີນໃນປີ 2020 ຈາກ 0,9% ໃນເດືອນມິຖຸນາຫຍັບຂຶ້ນເປັນ 1,9%. ເຖິງວ່າຕົວເລກດັ່ງກ່າວຕ່ຳກວ່າການຄາດຄະເນຂອງຕະຫຼາດ, ແຕ່ຈີນຍັງແມ່ນກຸ່ມເສດຖະກິດພຽງໜຶ່ງດຽວໃນໂລກທີ່ສາມາດຮັກສາການເຕີບໂຕດ້ານເສດຖະກິດໄດ້, ນີ້ໄດ້ສະແດງໃຫ້ເຫັນເຖິງຄວາມເຂັ້ມແຂງແລະຄວາມມີຊີວິດຊີວາຂອງເສດຖະກິດຈີນ.
ພາຍໃຕ້ຜົນກະທົບຢ່າງໃຫຍ່ຫຼວງຈາກການແຜ່ລະບາດຂອງພະຍາດໂຄວິດ-19 ແລະສະພາບແວດລ້ອມພາຍໃນແລະຕ່າງປະເທດທີ່ສັບສົນແລະຂ້ຽວຂາດ, ບົດລາຍງານການຈ້ອງເບິ່ງເສດຖະກິດຄືຄຳຕອບດ້ານເສດຖະກິດຂອງຈີນແມ່ນໜ້າຕື່ນເຕັ້ນ.
ໃນ 3 ໄຕມາດຂອງປີນີ້, ເສດຖະກິດຈີນສາມາດພິກຈາກຕົວເລກລົບເປັນຕົວເລກບວກ, ຍ້ອນຢູ່ພາຍໃຕ້ການນຳພາທີ່ເຂັ້ມແຂງຂອງພັກແລະລັດຖະບານຈີນທີ່ຖືສະຫາຍສີຈິ້ນຜິງເປັນແກນກາງ, ຈີນໄດ້ປະຕິບັດມາດຕະການປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ຕາມຫຼັກວິທະຍາສາດທີ່ເຂັ້ມງວດທີ່ສຸດ. ລັດຖະບານຈີນໄດ້ປະຕິບັດນະໂຍບາຍຢ່າງຖືກຕ້ອງ, ໃຫ້ການສະໜັບສະໜູນການເຮັດວຽກແລະການຜະລິດ, ຊ່ວຍເຫຼືອແລະຊຸກຍູ້ໃຫ້ວິສາຫະກິດຈີນຟື້ນຟູການຜະລິດ, ເພີ່ມທະວີຄວາມມີຊີວິດຊີວາໃຫ້ກັບຕະຫຼາດ, ການດຳລົງຊີວິດແລະການມີວຽກເຮັດງານທຳຂອງປະຊາຊົນກໍຖືກຮັບປະກັນ. ນອກຈາກນັ້ນ, ການເຕີບໂຕດ້ານເສດຖະກິດແມ່ນບໍ່ສາມາດປາສະຈາກໄດ້ການປະກອບສ່ວນຂອງປະຊາຊົນທົ່ວປະເທດຈີນທີ່ໄດ້ຮ່ວມແຮງເປັນຈິດໜຶ່ງໃຈດຽວກັນ, ຮ່ວມກັນສຸມຄວາມພະຍາຍາມຕ້ານກັບການແຜ່ລະບາດຂອງພະຍາດໂຄວິດ-19.
ສູ້ໆເພື່ອເສດຖະກິດຈີນ! ສູ້ໆເພື່ອປະຊາຊົນຈີນທີ່ກຳລັງສູ້ຊົນຢູ່ຂະແໜງການຕ່າງໆ!