ຈີນຈັດພິທີລະນຶກໃນໂອກາດທີ່ກອງທັບອາສາສະໝັກປະຊາຊົນຈີນເຮັດພັນທະສູ້ຮົບຢູ່ຕ່າງປະເທດເພື່ອຊ່ວຍເຫຼືອສປປເກົາຫລີຕໍ່ຕ້ານອາເມຣິກາຄົບຮອບ 70 ປີ
ວັນທີ 23 ຕຸລານີ້, ພິທີລະນຶກໃນໂອກາດທີ່ກອງທັບອາສາສະໝັກປະຊາຊົນຈີນເຮັດພັນທະສູ້ຮົບຢູ່ຕ່າງປະເທດເພື່ອຊ່ວຍເຫຼືອສປປເກົາຫລີຕໍ່ຕ້ານອາເມຣິກາຄົບຮອບ 70 ປີ ໄດ້ຈັດຂຶ້ນຢູ່ທີ່ປັກກິ່ງ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນ ປະທານຄະນະກຳມະການການທະຫານສູນກາງຈີນໄດ້ເຂົ້າຮ່ວມກອງປະຊຸມແລະກ່າວຄຳປາໄສ.
ເດືອນມິຖຸນາປີ 1950, ພາຍຫຼັງເກີດສົງຄາມກາງເມືອງເກົາຫຼີແລ້ວ, ລັດຖະບານອາເມຣິກາໄດ້ສົ່ງກອງທັບເຂົ້າແຊກແຊງ, ແລະກໍສົງຄາມຮອບດ້ານຕໍ່ສປປເກົາຫລີ. ເພື່ອຕອບສະໜອງຕາມຄວາມຮຽກຮ້ອງຂອງສປປເກົາຫລີ, ໃນເດືອນຕຸລາປີ 1950, ຈີນໄດ້ສ້າງຕັ້ງກອງທັບອາສາສະໝັກປະຊາຊົນຈີນ ແລະເຄື່ອນທັບໄປສູ່ແຫຼມເກົາຫລີເພື່ອເຂົ້າຮ່ວມການສູ້ຮົບແລະດຳເນີນສົງຄາມຊ່ວຍເຫຼືອສປປເກົາຫລີຕໍ່ຕ້ານການຮຸກຮານຂອງອາເມຣິກາ.
ສົງຄາມຊ່ວຍເຫຼືອສປປເກົາຫລີຕໍ່ຕ້ານອາເມຣິກາ ໄດ້ສະໜັບສະໜູນປະຊາຊົນສປປເກົາຫລີຕໍ່ຕ້ານການຮຸກຮານຂອງອາເມຣິກາ, ແລະໄດ້ປະກອບສ່ວນເຂົ້າໃນການສ້າງສັນຕິພາບຂອງພາກພື້ນກໍຄືຂອງໂລກ.