ແຫຼ່ງຂ່າວຈາກໜັງສືພິມປະຊາຊົນລາຍງານວ່າ: ຜົນການຄົ້ນຄວ້າຂອງສຳນັກງານທະນາຄານໂລກປະຈຳລາວ ແລະ ອົງການສະຖິຕິແຫ່ງຊາດລາວໄດ້ຊີ້ໃຫ້ເຫັນວ່າ: ປີ 2019, ອັດຕາຄວາມທຸກຍາກຂອງປະເທດລາວເຫຼືອພຽງ 18,3% ເຊິ່ງໄດ້ຫຼຸດລົງ 6,3% ເມື່ອທຽບໃສ່ປີ 2013 ທີ່ຍັງຢູ່ໃນລະດັບ 24,6%. ສາຍເຫດຕົ້ນຕໍທີ່ເຮັດໃຫ້ອັດຕາຄວາມທຸກຍາກຫຼຸດລົງແມ່ນໄດ້ຮັບຜົນປະໂຫຍດຈາກການຈຳໜ່າຍຜະລິດຕະພັນກະສິກຳ, ແຮງງານໄປເຮັດວຽກຢູ່ຕ່າງປະເທດທີ່ມີລາຍໄດ້ເພີ່ມຂຶ້ນ ແລະ ຕຳແໜ່ງງານພາຍໃນປະເທດໄດ້ເພີ່ມຂຶ້ນ. ແຕ່ຍ້ອນໄດ້ຮັບຜົນກະທົບຈາກສະພາບການແຜ່ລະບາດຂອງພະຍາດໂຄວິດ-19, ອັດຕາຄວາມທຸກຍາກຂອງປະເທດລາວໃນປີ 2020 ຈະເພີ່ມຂຶ້ນ 1,4% ຫາ 3,1%.