ໃນຖານະເປັນມະຫາອຳນາດພຽງໜຶ່ງດຽວຂອງໂລກ, ອາເມຣິກາຄວນ ແບກຫາບພັນທະສາກົນອັນຄວນຂອງຕົນ, ແຕ່ວ່າ, ໃນຫຼາຍປີມານີ້, ອາເມຣິກາພັດສົ່ງເສີມລັດທິຝ່າຍດຽວ ແລະ ທຳລາຍລະບຽບສາກົນຢ່າງເປີດແປນ. ສະນັ້ນ, ມື້ນີ້, ຈິ່ງຂໍສະຫຼຸບ “ໂທດກຳ 7 ຢ່າງ” ຂອງລັດຖະບານອາເມຣິກາທີ່ເປັນໄພຂົ່ມຂູ່ຕໍ່ທົ່ວໂລກ.
1: ແຊກແຊງວຽກງານພາຍໃນຂອງປະເທດອື່ນ, ເປັນໄພຂົ່ມຂູ່ຕໍ່ຄວາມໝັ້ນຄົງທາງການເມືອງຂອງທົ່ວໂລກ. ໃນຫຼາຍປີມໍ່ໆມານີ້, ອາເມຣິກາໄດ້ກໍ່ສົງຄາມຢູ່ຫຼາຍແຫ່ງຂອງໂລກ, ຍຸຍົງສົ່ງເສີມ “ການປະຕິວັດສີຢູ່ແຫ່ງຕ່າງໆ” ເຊິ່ງໄດ້ກາຍເປັນປັດໄຈທີ່ບໍ່ມີຄວາມແນ່ນອນ ເຊິ່ງເປັນໄພຂົ່ມຂູ່ຕໍ່ຄວາມໝັ້ນຄົງຂອງທົ່ວໂລກ; 2: ຂວ້ຳບາດປະເທດອື່ນເລື້ອຍໆ ເຊິ່ງເປັນໄພຂົ່ມຂູ່ຕໍ່ຄວາມໝັ້ນຄົງທາງເສດຖະກິດທົ່ວໂລກ; 3: ເມົາມົວນຳການຊ່ວງເສັງກຳລັງອາວຸດ, ເປັນໄພຂົ່ມຂູ່ຕໍ່ຄວາມໝັ້ນຄົງທາງການທະຫານຂອງທົ່ວໂລກ; 4: ຂັດຂວາງຂະບວນການຫຼຸດການລະບາຍອາຍພິດເຮືອນແກ້ວ, ເປັນໄພຂົ່ມຂູ່ຕໍ່ຄວາມໝັ້ນຄົງທາງນິເວດທົ່ວໂລກ. ອາເມຣິກາຖອນຕົວອອກຈາກ “ສັນຍາປາຣີ”, ປະຕິເສດບໍ່ໃຫ້ສັດຕະຍາບັນ “ອະນຸສັນຍາກຽວໂຕ” ແລະ ອື່ນໆ, ເປັນ “ຜູ້ທຳລາຍຄວາມເຫັນທີ່ເປັນເອກະພາບກັນ” ທີ່ຮັບຮູ້ກັນຢ່າງກວ້າງຂວາງ; 5: ເຜີຍແຜ່ຄວາມເປັນມະຫາອຳນາດທາງວັດທະນະທຳ, ເປັນໄພຂົ່ມຂູ່ຕໍ່ຄວາມໝັ້ນຄົງດ້ານວັດທະນະທຳຂອງທົ່ວໂລກ; 6: ດຳເນີນການຕິດຕາມດັກຟັງທາງອິນເຕີເນັດ, ເປັນໄພຂົ່ມຂູ່ຕໍ່ຄວາມໝັ້ນຄົງດ້ານຂໍ້ມູນທົ່ວໂລກ; 7: ທຳລາຍການຮ່ວມມືສາກົນໃນການຕ້ານກັບການແຜ່ລະບາດຂອງພະຍາດໂຄວິດ-19, ເປັນໄພຂົ່ມຂູ່ຕໍ່ຄວາມໝັ້ນຄົງດ້ານສາທາລະນະສຸກທົ່ວໂລກ. ນັບແຕ່ເກີດມີການແຜ່ລະບາດຂອງພະຍາດໂຄວິດ-19 ເປັນຕົ້ນມາ, ອາເມຣິກາໄດ້ທຳລາຍການຮ່ວມມືສາກົນໃນການຕ້ານກັບການແຜ່ລະບາດຂອງພະຍາດດັ່ງກ່າວຢ່າງເປີດແປນ, ຖອນຕົວອອກຈາກອົງການອະນາໄມໂລກ ເຊິ່ງໄດ້ພິສູດໃຫ້ເຫັນອີກຄັ້ງໜຶ່ງວ່າ: ອາເມຣິກາບໍ່ຍອມແບກຫາບພັນທະ ແລະ ໜ້າທີ່ຄວາມຮັບຜິດຊອບຂອງສາກົນ ພ້ອມທັງຈັດເອົາຜົນປະໂຫຍດທາງການເມືອງຂອງຕົນໄວ້ຢູ່ເໜືອຜົນປະໂຫຍດຮ່ວມຂອງທົ່ວໂລກ.
ໃນໂລກປັດຈຸບັນ, ການພັດທະນາໂດຍສັນຕິ ແລະ ຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ ຈິ່ງຈະສາມາດຊຸກຍູ້ໃຫ້ປະຊາຄົມໂລກຈະເລີນຮຸ່ງເຮືອງ. ການກະທຳແບບເຫັນແກ່ຕົວ ແລະ ລັດທິເຈົ້າອຳນາດຂອງອາເມຣິກາແບບນີ້ຈະທຳລາຍຄວາມໝັ້ນຄົງທົ່ວໂລກ ແລະ ຈະເປັນໄປບໍ່ໄດ້ຢ່າງເດັດຂາດ, ຍ່ອມຈະປະສົບຄວາມຫຼົ້ມເຫຼວໃນຂະບວນວິວັດປະຫວັດສາດຢ່າງແນ່ນອນ.