ຕອນເສັ້ນທາງວຽງຈັນ-ວັງວຽງຂອງເສັ້ນທາງດ່ວນຈີນ-ລາວໄດ້ຮັບການກວດຜ່ານ

ວັນທີ 12 - 13 ພະຈິກ, ພາຍຫຼັງທີ່ລັດຖະບານລາວກວດກາ ແລະ ຮັບຜ່ານຢູ່ສະຖານທີ່ຕົວຈິງ, ຕອນເສັ້ນທາງວຽງຈັນ-ວັງວຽງຂອງເສັ້ນທາງດ່ວນຈີນ-ລາວທີ່ລົງທຶນ ແລະ ກໍ່ສ້າງໂດຍກຸ່ມກິດຈະການລົງທຶນກໍ່ສ້າງແຂວງຢຸນນານໄດ້ຮັບການກວດຜ່ານ. ເສັ້ນທາງແຕ່ນະຄອນຫຼວງວຽງຈັນຫາວັງວຽງມີຄວາມຍາວທັງໝົດ 111 ກິໂລແມັດ,ແລະ ຖືກອອກແບບເປັນທາງຫຼວງເບື້ອງລະ 4 ເລນ, ມີການອອກແບບຄວາມໄວຢູ່ທີ່ 80-100 ກິໂລແມັດຕໍ່ຊົ່ວໂມງ.ໂຄງການດັ່ງກ່າວໄດ້ເລີ່ມຕົ້ນການກໍ່ສ້າງໃນວັນທີ 30 ທັນວາ 2018. ພາຍຫຼັງທີ່ໂຄງການສຳເລັດແລ້ວ, ຈະໃຊ້ເວລາພຽງ 1 ຊົ່ວໂມງຈາກນະຄອນຫຼວງວຽງຈັນຫາວັງວຽງ.

ທາງດ່ວນຈີນ-ລາວແມ່ນເສັ້ນທາງດ່ວນແຫ່ງທຳອິດໃນລາວ, ເສັ້ນທາງດັ່ງກ່າວເລີ່ມຕົ້ນທີ່ດ່ານບໍ່ຫານ-ບໍ່ແຕນທີ່ຢູ່ຊາຍແດນຈີນ-ລາວ, ແລ່ນຜ່ານພາກເໜືອຂອງລາວ, ຮອດນະຄອນຫຼວງວຽງຈັນປະເທດລາວ.ເສັ້ນທາງນີ້ຍາວປະມານ 440 ກິໂລແມັດ. ພາຍຫຼັງທີ່ເສັ້ນທາງດ່ວນນີ້ສ້າງສຳເລັດທັງໝົດແລ້ວ, ຈະໃຊ້ເວລາພຽງ 5 ຊົ່ວໂມງຈາກດ່ານບໍ່ຫານ-ບໍ່ແຕນຫານະຄອນຫຼວງວຽງຈັນປະເທດລາວ, ຈາກນະຄອນຄຸນໝິງແຂວງຢຸນນານຮອດນະຄອນຫຼວງວຽງຈັນແມ່ນໃຊ້ເວລາມື້ດຽວຮອດ.