ວັນທີ 16 ພະຈິກນີ້, ທ່ານວາງຊີຊ່ານ ຮອງປະທານປະເທດຈີນໄດ້ກ່າວຄຳປາໄສຜ່ານທາງວິດີໂອໃນກອງປະຊຸມເວທີປຶກສາຫາລືເສດຖະກິດປະດິດສ້າງໃໝ່ປີ 2020.
ທ່ານວາງຊີຊ່ານ ເນັ້ນໜັກວ່າ: ຈີນຈະຜະເຊີນກັບສະພາບການປ່ຽນແປງໂດຍກົງ, ຈີນຈະປະຕິບັດຕາມທັດສະນະການພັດທະນາໃໝ່, ເພື່ອບັນລຸເປົ້າໝາຍແບບກ້າວກະໂດດອີກຄັ້ງໃໝ່ໃນປະຫວັດສາດ. ຈີນພວມເປີດກວ້າງການນຳເຂົ້າດ້ວຍການກະທຳຕົວຈິງ, ສ້າງສະພາບແວດລ້ອມດຳເນີນທຸລະກິດທີ່ຄຸ້ມຄອງດ້ວຍກົດໝາຍ, ມີລັກສະນະສາກົນແລະມີຄວາມສະດວກ, ສ້າງເວທີໃໝ່ໃຫ້ກັບການເປີດປະຕູສູ່ພາຍນອກ, ຊຸກຍູ້ການສ້າງ “ໜຶ່ງແລວໜຶ່ງເສັ້ນທາງ” ຮ່ວມກັນ, ລົງເລິກການຮ່ວມມືດ້ານເສດຖະກິດລະດັບພາກພື້ນແບບສອງຝ່າຍຫຼືຫຼາຍຝ່າຍ, ຊຸກຍູ້ໃຫ້ເສດຖະກິດໂລກພັດທະນາໄປສູ່ທິດທາງທີ່ເປີດປະຕູສູ່ພາຍນອກກວ້າງຂວາງກວ່າເກົ່າ, ກວມລວມກວ່າເກົ່າ, ໃຫ້ຜົນປະໂຫຍດຢ່າງທົ່ວເຖິງ, ດຸນດ່ຽງແລະຕ່າງຝ່າຍຕ່າງມີຜົນປະໂຫຍດ. ປະເທດຕ່າງໆໃນໂລກຄວນປະຕິບັດມາດຕະການຕ່າງໆ, ເພີ່ມຄວາມເຂົ້າໃຈກັນໃນຂະບວນການແລກປ່ຽນເຊິ່ງກັນແລະກັນ, ສະສົມຄວາມໄວ້ເນື້ອເຊື່ອໃຈກັນໃນຂະບວນການຮ່ວມມືແລະມີຄວາມກ້າວໜ້າຮ່ວມກັນໃນຂະບວນການຖອດຖອນບົດຮຽນເຊິ່ງກັນແລະກັນ.
ກອງປະຊຸມເວທີປຶກສາຫາລືເສດຖະກິດປະດິດສ້າງໃໝ່ຄັ້ງນີ້ແມ່ນສູນແລກປ່ຽນເສດຖະກິດສາກົນຈີນ, ບລູມບີກ ແອວພີ ຂອງອາເມຣິກາ, ສະຖາບັນຄົ້ນຄວ້າຍຸດທະສາດສາກົນອັງກິດແລະອົງການຈັດຕັ້ງອື່ນໆຮ່ວມກັນຈັດຂຶ້ນໂດຍຮູບແບບກອງປະຊຸມຜ່ານທາງວິດີໂອ.