ຜູ້ຊ່ຽວຊານ 6 ຄົນຈາກຢຸນນານເດີນທາງໄປປະເທດລາວອີກເທື່ອໜຶ່ງ,ເພື່ອຊ່ວຍນະຄອນຫຼວງວຽງຈັນຍົກລະດັບຄວາມສາມາດການກວດຫາເຊື້ອພະຍາດໂຄວິດ-19
ວັນທີ 24 ພະຈິກ, ໜ່ວຍຊ່ຽວຊານປິ່ນປົວຂອງແຂວງຢຸນນານ 6 ຄົນ ທີ່ສ້າງຕັ້ງໂດຍຫ້ອງການຕ່າງປະເທດຂອງອຳນາດການປົກຄອງປະຊາຊົນແຂວງຢຸນນານ,ຄະນະກຳມະການສາທາລະນະສຸກແຂວງຢຸນນານ,ແລະສູນຄວບຄຸມແລະປ້ອງກັນພະຍາດແຂວງຢຸນນານ, ໄດ້ເດີນທາງດ້ວຍເຮືອບິນອອກຈາກເມືອງຄຸນໝິງໄປນະຄອນຫຼວງວຽງຈັນປະເທດລາວ.
ປັດຈຸບັນ, ແຂວງຢຸນນານຮັບຜິດຊອບປະຕິບັດໂຄງການທີ່ປະເທດຈີນຊ່ວຍເຫຼືອລາວໃນການກໍ່ສ້າງໂຄງການຫ້ອງທົດລອງກວດຫາເຊື້ອພະຍາດໂຄວິດ-19 ຢູ່ ນະຄອນຫຼວງວຽງຈັນປະເທດລາວ.ພາຍຫຼັງໂຄງການນີ້ສຳເລັດແລ້ວ,ນະຄອນຫຼວງວຽງຈັນຈະສາມາດດຳເນີນການກວດຫາເຊື້ອພະຍາດໂຄວິດ-19 ໄດ້ 1,000 ຄົນໃນແຕ່ລະມື້.
ໜ່ວຍຊ່ຽວຊານຈະເຮັດວຽກຢູ່ນະຄອນຫຼວງວຽງຈັນເປັນເວລາ 8 ວັນ, ຊີ້ນຳພະແນກທີ່ກ່ຽວຂ້ອງໃນປະເທດລາວກ່ຽວກັບການຕິດຕັ້ງຫ້ອງທົດລອງ, ດຳເນີນການຝຶກອົບຮົມໃຫ້ແກ່ພະນັກງານຄວບຄຸມ ແລະ ປິ່ນປົວພະຍາດຢູ່ນະຄອນຫຼວງວຽງຈັນ, ແບ່ງປັນຮູບແບບຂອງປະເທດຈີນ, ແນະນຳປະສົບການຂອງຈີນໃຫ້ພະນັກງານ , ຍົກລະດັບຄວາມສາມາດຂອງລາວໃນການຕໍ່ສູ້ກັບພະຍາດໂຄວິດ-19 ,ກວດຫາເຊື້ອໄວຣັດ ແລະ ການປິ່ນປົວທາງການແພດ.
ກ່ອນໜ້ານີ້, ວັດສະດຸ ແລະ ອຸປະກອນຫ້ອງທົດລອງທີ່ມີມູນຄ່າ 2,197 ລ້ານຢວນໄດ້ຖືກຂົນສົ່ງອອກຈາກດ່ານບໍ່ເຕັນ-ບໍ່ຫານ,ແລະ ມາຮອດນະຄອນຫຼວງວຽງຈັນໃນວັນທີ 23 ພະຈິກ.