ຂະນະນີ້, ຂອງຂວັນທີ່ລັດຖະບານແລະປະຊາຊົນຈີນມອບໃຫ້ແກ່ວັນຊາດລາວ ເຮັດໃຫ້ຄູ່ຮ່ວມຊາຕາກຳຈີນ-ລາວສະຫວ່າງສະໄຫວ
ວັນທີ 2 ທັນວາ 2020 ນີ້ ແມ່ນວັນສະຖາປະນາ ສປປ ລາວຄົບຮອບ 45 ປີ. ກ່ອນໜ້ານີ້, ໄດ້ຈັດພິທີເປີດໂຄງການແສງສະຫວ່າງເທສະບານໃຈກາງນະຄອນຫຼວງວຽງຈັນທີ່ລັດຖະບານຈີນຊ່ວຍເຫຼືອ, ໂຄງການນີ້ຖືວ່າເປັນຂອງຂວັນຈາກລັດຖະບານແລະປະຊາຊົນຈີນ ເພື່ອສະເຫຼີມສະຫຼອງວັນຊາດລາວ.
ຈີນ-ລາວແມ່ນປະເທດບ້ານໃກ້ເຮືອນຄຽງທີ່ມີພູຜາແມ່ນ້ຳຕິດຈອດກັນ, ນັບແຕ່ສອງປະເທດຈີນ-ລາວສ້າງສາຍພົວພັນທາງການທູດເປັນເວລາຫຼາຍກວ່າ ເຄິ່ງສະຕະຫວັດມານີ້, ສອງປະເທດໄດ້ສ້າງມິດຕະພາບທີ່ເລິກເຊິ່ງແໜ້ນແຟ້ນ. ເດືອນເມສາປີ 2019, ທ່ານສີຈິ້ນຜິງ ເລຂາທິການໃຫ່ຍຄະນະກຳມະການສູນກາງພັກກອມມູນິດຈີນ ປະທານປະເທດຈີນ ແລະ ທ່ານບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານ ງານສູນກາງພັກປະຊາຊົນປະຕິວັດລວາ,ປະທານປະເທດຈີນໄດ້ລົງນາມໃນ“ແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳຈີນ-ລາວ” ຢູ່ນະຄອນຫຼວງປັກກິ່ງ.
ນ້ີແມ່ນເອກະການການຮ່ວມມືສອງຝ່າຍກ່ຽວກັບການສ້າງປະຊາຄົມຮ່ວມຊາຕາກຳຂອງມວນມະນຸດສະບັບທຳອິດຂອງຈີນທີ່ລົງລາຍເຊັນໃນນາມພັກ ທັງແມ່ນໜຶ່ງໃນເອກະ ສານການຮ່ວມມືທີ່ມີໜ້ອຍທີ່ທ່ານສີຈິ້ນຜິງລົງລາຍເຊັນດ້ວຍຕົນເອງ.
ທ່ານສີຈິ້ນຜິງເຄີຍກ່າວວ່າ: “ຈີນ-ລາວມີອຸດົມການທີ່ເຊື່ອມໂຍງເຂົ້າກັນໄດ້, ມີລະບອບສັງຄົມທີ່ຄືກັນ, ມີເສັ້ນທາງການພັດທະນາທີ່ຄ້າຍຄືກັນ ແລະມີຊາຕາ ກຳທີ່ພົວພັນກັນ. ບໍ່ວ່າໃນສະໄໝສົງຄາມປະຕິວັດ ຫຼືໃນໄລຍະສ້າງສາສັງຄົມນິຍົມ, ສອງພັກ-ລັດ ແລະປະຊາຊົນສອງຊາດກໍໄດ້ສ້າງມິດຕະພາບອັນເລິກເຊິ່ງແລະແໜ້ນແຟ້ນ ເຊິ່ງໄດ້ສ້າງແບບຢ່າງ ທີ່ຢູ່ຮ່ວມກັນໂດຍສັນຕິ ແລະຕ່າງຝ່າຍຕ່າງມີຜົນປະໂຫຍດ.” ຄຳເວົ້າຂອງທ່ານສີຈິ້ນຜິງຕອນນີ້ເປັນຄຳສັ້ນໆ, ແຕ່ໄດ້ເວົ້າເຖິງພື້ນຖານທາງປະ ຫວັດສາດແລະສະພາບຄວາມເປັນຈິງໃນປັດຈຸບັນຂອງການສ້າງປະຊາຄົມຮ່ວມຊາຕາກຳລາວ-ຈີນ.
ປະຈຸບັນ, ການພົວພັນລະຫວ່າງຈີນ-ລາວພວມຢູ່ໃນໄລຍະທີ່ດີທີ່ສຸດໃນປະ ຫວັດສາດ. ຫຼັງຈາກທ່ານປະທານສີຈິ້ນຜິງສະເໜີແນວຄວາມຄິດກ່ຽວກັບການສ້າງ ປະຊາຄົມຮ່ວມຊາຕາກຳຂອງມວນມະນຸດໃນເດືອນມີນາປີ 2013, ປະເທດລາວກໍໄດ້ເຫັນດີ ໃນລະດັບສູງແລະມີການຕອບຮັບຢ່າງຕັ້ງໜ້າ.
ໃນເດືອນພຶດສະພາປີ 2018, ທ່ານບຸນຍັງ ວໍລະຈິດ ປະທານປະເທດລາວໄດ້ ເດີນທາງມາຢ້ຽມຢາມຈີນ ແລະຢືນຢັນວ່າ: ລາວຍິນດີເສີມຂະຫຍາຍບົດບາດນຳພາ ທາງການເມືອງຂອງການພົວພັນສອງພັກທີ່ມີຕໍ່ການພົວພັນສອງປະເທດລາວ-ຈີນ ຮັກສາການພົບປະເຈລະຈາເປັນປະຈຳລະຫວ່າງການນຳຂັ້ນສູງຂອງສອງພັກ, ເພີ່ມທະວີການການແລກປ່ຽນບົດຮຽນໃນການກໍ່ສ້າງພັກ, ການບໍລິຫານປະເທດ ແລະການຮ່ວມມືຕົວຈິງໃນຂົງເຂດຕ່າງໆລະຫວ່າງລັດຖະບານ, ເລັ່ງລັດຊຸກຍູ້ ການຮ່ວມມືຂອງໂຄງການໃຫຍ່ໃນຂອບ “ໜຶ່ງແລວໜຶ່ງເສັ້ນທາງ”, ເພີ່ມທະວີການ ປະສານສົມທົບກັນໃນວຽກງານສາກົນແລະພາກພື້ນຢ່າງໃກ້ຊິດ, ຮ່ວມກັນສ້າງຄູ່ຮ່ວມຊາຕາກຳສັງຄົມນິຍົມລາວ-ຈີນທີ່ໝັ້ນແກ່ນ, ສ້າງຄວາມສຸກໃຫ້ແກ່ປະຊາຊົນ ສອງປະເທດກໍຄືປະຊາຊົນໃນພາກພື້ນ.
“ພາລະກຳທີ່ຄືກນ, ຄວາມໃຝ່ຝັນຮ່ວມກັນ, ກໍປຽບເໝືອນ ແມ່ນຳລ້ານ ຊ້າງ-ແມ່ນ້ຳຂອງທີ່ເຊື່ອມຕໍ່ສອງປະເທດຈີນແລະລາວ ໂດຍໄດ້ຜູກພັນອະນາຄົດຂອງ ພວກເຮົາຢ່າງແໜ້ນແຟ້ນ ແລະຈະເຮັດໃຫ້ຊາຕາກຳຂອງພວກເຮົາພົວພັນກັນ ຢ່າງໜັກແໜ້ນ.” ຄວາມປຽບທຽບຂອງທ່ານສີຈິ້ນຜິງຄຳນີ້ໄດ້ພັນລະນາເຖິງການ ພົວພັນຢ່າງໃກ້ຊິດລະຫວ່າງສອງປະເທດຈີນ-ລາວ. ປັດຈຸບັນນີ້ ໂຄງການແສງສະ ຫວ່າງເທດສະບານໃຈກາງນະຄອນຫຼວງວຽງຈັນ ໄດ້ເຍືອງແສງໃຫ້ແກ່ປະເທດລາວ ກໍຄື ຄູ່ ຮ່ວມຊາຕາກຳຈີນ-ລາວໃຫ້ມີຄວາມສະຫວ່າງສະໄຫວ.