ໄລຍະເດີນທາງທັງໝົດບັນລຸ 56,1 ພັນກິໂລແມັດ ຂອງພາລະກິດການຮ່ວມ ລາດຕະເວນແລະປະຕິບັດກົດໝາຍທີ່ແມ່ນໍ້າຂອງ ຂອງປະເທດຈີນ, ລາວ, ມຽນມາ ແລະໄທ

ນັບແຕ່ເດືອນທັນວາ ປີ 2011 ເຖິງປະຈຸບັນ. ສີ່ຝ່າຍ ຈີນ, ລາວ, ມຽນມາ ແລະ ໄທ ໄດ້ດຳເນີນພາລະກິດການຮ່ວມລາດຕະເວນແລະປະຕິບັດກົດໝາຍທີ່ແມ່ນໍ້າຂອງຈຳນວນ 99 ເທື່ອ, ສົ່ງເຮືອປະຕິບັດກົດໝາຍອອກໄປທັງໝົດ 787 ເທື່ອລຳ ແລະເຈົ້າໜ້າທີ່ປະຕິບັດກົດໝາຍ 15818 ເທື່ອຄົນ. 9 ປີມານີ້, ພາກສ່ວນປະຕິບັດການນຳໃຊ້ກົດໝາຍຂອງ 4 ປະເທດດັ່ງກ່າວ ໄດ້ປາບປາມອາດຊະຍາທຳຝ່າຝືນກົດໝາຍ ແລະການຄຸ້ມຄອງການປົກປ້ອງການແລ່ນເຮືອຂົນສົ່ງສິນຄ້າ, ໄດ້ຍຶດຢາເສບຕິດຫລາຍກວ່າ 4600 ກິໂລກຼາມ, ກອບກູ້ເຮືອຂົນສົ່ງສິນຄ້າ 130 ລຳ 536 ຄົນ, ແລະເກັບກູ້ຜົນເສຍຫາຍທາງເສດຖະກິດລວມທັງໝົດ 188 ລ້ານຢວນ ໃຫ້ປະຊາຊົນບັນດາປະເທດທີ່ຢູ່ລຽບຕາມແມ່ນ້ຳຂອງ. ໄລຍະການເດີນທາງທັງໝົດມີ 56,1 ພັນກິໂລແມັດ ຂອງພາລະກິດການຮ່ວມລາດຕະເວນ ແລະປະຕິບັດກົດໝາຍ.

ພາກສ່ວນປະຕິບັດນຳໃຊ້ກົດໝາຍຂອງ 4 ປະເທດໄດ້ເຫັນດີນຳກັນວ່າ, ກົນໄກການຮ່ວມມືລາດຕະເວນ ໄດ້ຮັກສາຄວາມໝັ້ນຄົງຂອງບໍລິເວນອ່າງແມ່ນ້ຳຂອງ ຢ່າງມີປະສິດທິຜົນ, ໄດ້ປັບປຸງຄວາມປອດໄພ ແລະຄວາມຜາສຸກຂອງປະຊາຊົນຢ່າງຕໍ່ເນື່ອງ. ພາລະກິດການຮ່ວມລາດຕະເວນແລະປະຕິບັດກົດໝາຍທີ່ແມ່ນໍ້າຂອງຂອງປະເທດຈີນ, ລາວ, ມຽນມາ ແລະໄທ ຄັ້ງທີ 100 ຈະເລີ່ມຕົ້ນຂຶ້ນໃນວັນທີ 8 ທັນວານີ້.