ວັນທີ 3 ທັນວານີ້, ຄະນະກຳມະການປະຈຳກົມການເມືອງສູນກາງພັກກອມມູນິດຈີນໄດ້ຈັດກອງປະຊຸມ ເພື່ອຮັບຟັງການລາຍງານສະຫຼຸບກ່ຽວກັບວຽກງານລຶບລ້າງຄວາມທຸກຍາກ. ທ່ານສີຈີ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ເປັນປະທານກອງປະຊຸມ ແລະ ກ່າວຄຳປາໄສສຳຄັນໂດຍຊີ້ໃຫ້ເຫັນວ່າ, ໂດຍຜ່ານການສູ້ຊົນຢ່າງຕໍ່ເນື່ອງເປັນເວລາ 8 ປີ, ຈີນໄດ້ສຳເລັດໜ້າທີ່ເປົ້າໝາຍລຶບລ້າງຄວາມທຸກຍາກຍຸກໃໝ່ຕາມເວລາກຳນົດແລ້ວ. ຕາມມາດຖານປັດຈຸບັນ, ປະຊາກອນທຸກຍາກຢູ່ເຂດຊົນນະບົດຈີນໄດ້ຫຼຸດພົ້ນອອກຈາກຄວາມທຸກຍາກທັງໝົດ ແລະ ໄດ້ລຶບລ້າງເມືອງທຸກທາກທັງໝົດ, ປະຊາກອນທຸກຍາກເກືອບ 100 ລ້ານຄົນບັນລຸການພົ້ນທຸກ ເຊິ່ງເປັນໄຊຊະນະອັນໃຫຍ່ຫຼວງທີ່ປະຈັກສາຍຕາທົ່ວໂລກ.
ພ້ອມກັນນັ້ນ, ກອງປະຊຸມຍັງຊີ້ໃຫ້ເຫັນວ່າ, ປັດຈຸບັນ, ບັນຫາການພັດທະນາບໍ່ດຸນດ່ຽງ ແລະ ບໍ່ເຕັມທີ່ຂອງຈີນຍັງພົ້ນເດັ່ນຫຼາຍ, ການປົກປັກຮັກສາ ແລະ ຂະຫຍາຍຜົນງານການລຶບລ້າງຄວາມທຸກຍາກຍັງໜັກໜາຫຼາຍ. ຕ້ອງຮັກສານະໂຍບາຍຊ່ວຍເຫຼືອ, ການສະໜັບສະໜູນເງິນທຶນ ແລະ ກຳລັງການສະໜັບສະໜູນທີ່ມີຢູ່ໃນປັດຈຸບັນໃຫ້ມີຄວາມໝັ້ນທ່ຽງໂດຍລວມ, ສົ່ງເສີມ ແລະ ສະໜັບສະໜູນຂະແໜງການແບບແຮງງານໂຮມສູນຢູ່ພາກກາງ ແລະ ພາກຕາເວັນອອກຂອງຈີນຍ້າຍໄປສູ່ພາກຕາເວັນຕົກຂອງຈີນ, ຖືລະບົບປະກັນສັງຄົມໃນປັດຈຸບັນເປັນພື້ນຖານ, ຊຸກຍູ້ຄອບຄົວທີ່ມີຜູ້ອອກແຮງງານອ່ອນແອ ແລະ ຜູ້ອອກແຮງງານນ້ອຍ ແລະ ເຖົ້າໃຫ້ປະກອບອາຊີຢູ່ບ່ອນພັກອາໄສ.