ວັນທີ 7 ທັນວານີ້ ອົງການພາສີຈີນໄດ້ປະກາດຕົວເລກຂໍ້ມູນໂດຍສະແດງໃຫ້ເຫັນວ່າ,ນັບແຕ່ເດືອນມັງກອນຫາເດືອນພະຈິກປີນີ້, ຍອດມູນຄ່າຂາເຂົ້າຂາອອກສິນຄ້າທີ່ຈັບຕ້ອງໄດ້ຂອງຈີນບັນລຸເຖິງ29040ຕື້ຢວນ,ໄດ້ເພີ່ມຂຶ້ນ1,8%ເມື່ອທຽບກັບໄລຍະດຽວກັນຂອງປີກາຍ,ມີຈັງຫວະເພີ່ມຂຶ້ນຢ່າງຕໍ່ເນື່ອງແລະວ່ອງໄວ.
ນັບແຕ່ເດືອນມັງກອນຫາເດືອນກັນຍາ,ຈັບຫວະຄວາມໄວຂອງການເຕີບໂຕຂອງຍອດມູນຄ່າການຄ້າກັບຕ່າງປະເທດສາມາດພິກຈາກຕົວເລກລົບເປັນບວກໄດ້ເປັນຄັ້ງທຳອິດ,ຄືໄດ້ເພີ່ມຂຶ້ນ0,7%ເມື່ອທຽບກັບໄລຍະດຽວກັນຂອງປີກາຍ; ນັບແຕ່ເດືອນມັງກອນຫາເດືອນຕຸລາຈັງຫວະຄວາມໄວຂອງການເຕີບໂຕຂອງຍອດມູນຄ່າການຄ້າກັບຕ່າງປະເທດເພີ່ມຂຶ້ນ1,1%; ເມື່ອເຂົ້າສູ່ເດືອນພະຈິກແລ້ວ,ຈັງຫວະຄວາມໄວຂອງການເຕີບໂຕກໍສືບຕໍ່ເພີ່ມຂຶ້ນ.
ຂໍ້ມູນຕົວເລກສະແດງໃຫ້ເຫັນວ່າ,ໃນເດືອນພະຈິກ, ຍອດມູນຄ່າການຄ້າຂາເຂົ້າຂາອອກຂອງຈີນບັນລຸເຖິງ3090ຕື້ຢວນ,ເພີ່ມຂຶ້ນ7,8%.ນັບແຕ່ເດືອນມັງກອນຫາເດືອນພະຈິກ,ການຄ້າຂາອອກບັນລຸ16130ຕື້ຢວນ,ເພີ່ມຂຶ້ນ3,7%; ການຄ້າຂາເຂົ້າບັນລຸ12910ຕື້ຢວນ,ຫຼຸດລົງ0,5%.
ສຳລັບຄູ່ຄ້າ,ອາຊຽນໄດ້ເປັນຄູ່ຄ້າໃຫຍ່ກວ່າໝູ່ສຳລັບຈີນມາຕະຫຼອດ. ໃນ11ເດືອນຂອງປີນີ້, ຍອດມູນຄ່າການຄ້າຂອງຈີນກັບອາຊຽນໄດ້ບັນລຸເຖິງ4240ຕື້ຢວນ,ເພີ່ມຂຶ້ນ6,7%, ກວມ14,6% ຂອງຍອດມູນຄ່າການຄ້າກັບຕ່າງປະເທດຂອງຈີນ.