ວັນທີ 12 ທັນວານີ້, ໃນກອງປະຊຸມສຸດຍອດຄວາມທະເຍີທະຍານດິນຟ້າອາກາດ (Climate Ambition Summit), ທ່ານສີຈີ້ນຜິງ ປະທານປະເທດຈີນໄດ້ກ່າວຄຳປາໄສສຳຄັນໂດຍຜ່ານທາງວິດີໂອ ທີ່ມີຫົວຂໍ້ວ່າ ”ສືບຕໍ່ກ້າວໄປໜ້າ ເລີ່ມຕົ້ນຂະບວນການໃໝ່ແຫ່ງການຮັບມືກັບດິນຟ້າອາກາດທົ່ວໂລກ”, ໂດຍປະກາດວ່າ ຈີນຈະປະຕິບັດມາດຕະການໃໝ່ຕ່າງໆຢ່າງເປັນເຈົ້າຕົນເອງ.
ທ່ານສີຈີ້ນຜິງໄດ້ສະໜີຂໍ້ລິເລີ່ມ 3 ຂໍ້, ຄື:
ໜຶ່ງ, ເປັນຈິດໜຶ່ງໃຈດຽວກັນເພື່ອສ້າງສະພາບການໃໝ່ໃນການແກ້ໄຂບັນຫາດິນຟ້າອາກາດ ທີ່ຮ່ວມມືກັນແລະຕ່າງຝ່າຍຕ່າງໄດ້ຮັບຜົນປະໂຫຍດ. ສອງ, ສ້າງຄວາມທະເຍີທະຍານ ເພື່ອສ້າງລະບົບໃໝ່ແຫ່ງການແກ້ໄຂບັນຫາດິນຟ້າອາກາດ ທີ່ທຸກຝ່າຍທຳຄວາມພະຍາຍາມສຸດຂີດ. ສາມເພີ່ມຄວາມໝັ້ນໃຈ, ຍຶດໝັ້ນແນວຄິດໃໝ່ແຫ່ງການແກ້ໄຂບັນຫາດິນຟ້າອາກາດທີ່ຟື້ນຟູສີຂຽວ.
ທ່ານສີຈີ້ນຜິງກ່າວເນັ້ນວ່າ, ຈີນຈະຖືແນວຄວາມຄິດການພັດທະນາແບບໃໝ່ເປັນສິ່ງຊີ້ນຳ, ຊຸກຍູ້ການຫັນການພັດທະນາເສດຖະກິດສັງຄົມເປັນຮູບແບບສີຂຽວຮອບດ້ານ ໃນການພັດທະນາທີ່ມີຄຸນນະພາບສູງ, ເພື່ອປະກອບສ່ວນໃຫຍ່ກວ່າເກົ່າ ເຂົ້າໃນການຮັບມືກັບການປ່ຽນແປງຂອງດິນຟ້າອາກາດທົ່ວໂລກ.
ກອງປະຊຸມສຸດຍອດຄວາມທະເຍີທະຍານດິນຟ້າອາກາດ ລິເລີ່ມແລະຈັດໂດຍອົງການສະຫະປະຊາຊາດແລະປະເທດທີ່ກ່ຽວຂ້ອງ, ມີຈຸດປະສົງເພື່ອລະນຶກ “ສົນທິສັນຍາປາຣີ” ເຊັນກັນຄົບຮອບ 5 ປີ, ລະດົມປະຊາຄົມໂລກເພີ່ມທະວີການເຄື່ອນໄຫວດ້ານດິນຟ້າອາກາດ, ແລະຊຸກຍູ້ຂະບວນການຫຼາຍຝ່າຍ.