ໃນໄລຍະປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 13, ການກໍ່ສ້າງຕົວເມືອງຈີນໄດ້ບັນລຸໝາກຜົນຢ່າງພົ້ນເດັ່ນ, ໄດ້ລົງເລິກການຫັນເປັນຕົວເມືອງໃໝ່. ມາຮອດໄລຍະທ້າຍຂອງການປະຕິບັດແຜນການດັ່ງກ່າວ, ຈີນມີຕົວເມືອງທັງໝົດ 684 ແຫ່ງ, ພື້ນທີ່ກໍ່ສ້າງຕົວເມືອງບັນລຸເຖິງ 60300 ກິໂລຕາແມັດ.
ວັນທີ 21 ທັນວານີ້, ທ່ານວາງເມີງຮຸ່ຍ ລັດຖະມົນຕີກະຊວງພັດທະນາເຮືອນຢູ່ ກໍ່ສ້າງຕົວເມືອງ ແລະຊົນນະບົດຈີນໄດ້ກ່າວໃນກອງປະຊຸມວຽກງານພັດທະນາເຮືອນຢູ່ການກໍ່ສ້າງຕົວເມືອງ ແລະຊົນນະບົດໃນທົ່ວປະເທດຈີນວ່າ: ໃນໄລຍະປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 13, ການພັດທະນາເຮືອນຢູ່ພາຍໃນປະເທດຈີນໄດ້ກ້າວໄປສູ່ເປົ້າໝາຍທີ່ໃຫ້ທຸກຄົນມີເຮືອນຢູ່, ໃນປີ 2019, ເນື້ອທີ່ເຮືອນຢູ່ສະເລ່ຍຕໍ່ຫົວຄົນຂອງປະຊາຊົນໃນຕົວເມືອງ ແລະຊົນນະບົດໄດ້ບັນລຸເຖິງ 39,8 ຕາແມັດ ແລະ 48,9 ຕາແມັດຕາມລຳດັບ.
ທ່ານກ່າວຕື່ມວ່າ: ໃນປີ 2021, ຕ້ອງຈັດຕັ້ງປະຕິບັດໂຄງການປັບປຸງດັດແປງຕົວເມືອງທີ່ມີຢູ່ແລ້ວໃຫ້ດີກວ່າເກົ່າ, ຊຸກຍູ້ການພັດທະນາທີ່ມີຄຸນນະພາບສູງ. ຫັນປ່ຽນວິທີການພັດທະນາຂອງຕົວເມືອງໃຫ້ພົ້ນເດັ່ນຢ່າງຈະແຈ້ງ, ລົງເລິກການຊຸກຍູ້ການຫັນເປັນຕົວເມືອງໃໝ່ທີ່ຖືປະຊາຊົນເປັນໃຈກາງ.