ກິດຈະກຳທີ່ມີສີສັນຕ້ອນຮັບວັນບຸນເຂົ້າຕົ້ມ

ບຸນເຂົ້າຕົ້ມໃກ້ຈະມາຮອດແລ້ວ, ແລະ ສະຖານທີ່ແຕ່ລະແຫ່ງໃນປະເທດຈີນໄດ້ຈັດກິດຈະກຳ ຕ່າງໆເພື່ອຕ້ອນຮັບບຸນເຂົ້າຕົ້ມ. ຢູ່ໃນໂຮງຮຽນ, ເດັກນ້ອຍເຂົ້າຮ່ວມກິດຈະກຳຫຼາຍຢ່າງ ເຊັ່ນ ສະແດງເຊີດມັງກອນ,ເຮັດເຂົ້າຕົ້ມ,ເຮັດກະເປົາຫອມ, ແຂ່ງຂັນອ່ານບົດກອນ ເປັນຕົ້ນເພື່ອຮັບຮູ້ວັດທະນະທຳພື້ນເມືອງແລະຕ້ອນຮັບການມາຮອດຂອງບຸນເຂົ້າຕົ້ມ.

ວັນທີ 5 ເດືອນ 5 ຕາມປະຕິທິນຈັນທະຄະຕິຈີນຂອງທຸກໆປີແມ່ນບຸນປະເພນີພື້ນເມືອງຈີນ--ບຸນເຂົ້າຕົ້ມ (ຫລືວັນບຸນໄຫວ້ບະຈ່າງ). ບຸນນີ້ ກັບ ວັນຊິງໝິງ (ວັນເຊັງເມັ້ງ), ບຸນປີໃຫມ່ກຸດຈີນ,ບຸນໄຫວ້ພະຈັນມີຊື່ເອີ້ນວ່າ 4 ບຸນປະເພນີໃຫຍ່ຂອງຈີນ. ໃນບຸນເຂົ້າຕົ້ມນີ້, ຊາວຈີນຈະຈັດກິດຈະກຳງານລ້ຽງສະຫຼອງ,ຄືການແຂ່ງຂັນຊ່ວງເຮືອ ແລະ ອາຫານສຳຄັນທີ່ຂາດບໍ່ໄດ້ສຳລັບບຸນເຂົ້າຕົ້ມນີ້ແມ່ນເຂົ້າຕົ້ມ (ເຂົ້າຕົ້ມຮູບຊົງສາມຫຼ່ຽມ) ແລະ ໄຂ່ເຄັມ.

ມາຈາກ: ສຳນັກຂ່າວຊິນຮວາຂອງຈີນ