ກຸບຂອງຕາແສງວາຈ້າຍແຂວງກຸ້ຍໂຈວ

ກຸບຂອງຕາແສງວາຈ້າຍ ເມືອງຊານຊຸຍ ແຂວງກຸ້ຍໂຈວ (ແມ່ນຫມວກຊະນິດໜຶ່ງທີ່ສານດ້ວຍໄມ້ໄຜ່), ມີປະຫວັດສາດການຜະລິດເປັນເວລາຫລາຍກວ່າ 400 ປີ, ປະຈຸບັນນີ້ ກຸບຍັງແມ່ນເຄື່ອງທີ່ລະນຶກ ແລະເຄື່ອງໃຊ້ໃນຊີວິດປະຈຳວັນ. ຝີມືຫັດຖະກຳການເຮັດກຸບຂອງຕາແສງວາຈ້າຍມີ 8 ຂັ້ນຕອນການຜະລິດຕົ້ນຕໍ, ແລະ ຍັງມີຂັ້ນຕອນການຜະລິດອື່ນໆຫຼາຍກ່ວາ 20 ຂັ້ນຕອນ.

ໃນຊຸມປີມໍ່ໆມານີ້, ເມືອງຊານຊຸຍ ໄດ້ສະໜັບສະໜູນຢ່າງຕັ້ງໜ້າຕໍ່ກັບບຸກຄະລາກອນທີ່ເປັນນາຍຊ່າງສານໄມ້ໄຜ່ສ້າງຕັ້ງໂຮງງານເພື່ອເຮັດກຸບ. ພ້ອມດຽວກັນນັ້ນ, ກໍໄດ້ມີການຈັດຕັ້ງຜູ້ສືບທອດ ແລະ ຊ່າງຫັດຖະກຳທີ່ມີຝີມືສານໄມ້ໄຜ່ເຂົ້າຮ່ວມການຝຶກອົບຮົມຕ່າງໆຢ່າງເປັນປະຈຳ, ເພື່ອໃຫ້ຝີມືການເຮັດກຸບຂອງວາຈ້າຍໄດ້ຮັບການສືບທອດ ແລະ ພັດທະນາຢ່າງຕໍ່ເນື່ອງ.

ມາຈາກ:ສຳນັກຂ່າວຊິນຮວາຂອງຈີນ

ນັກຂ່າວ:ຢາງເວີນປີນ