ເມືອງຈີນຜິງຕ້ອນຮັບການລອກຄາບຂອງແມງກະເບື້ອລ້ານໆໂຕ

ເມື່ອຮອດເດືອນພຶດສະພາ, ອຸນຫະພູມຈະຄ່ອຍໆເພີ່ມຂຶ້ນ.ເມຶືອງປົກຄອງຕົນເອງຊົນເຜົ່າໄທລື້ຊົນເຜົ່າເຢົາ ຊົນເຜົ່າມົ້ງຈີນຜີງ ທີ່ຕັ້ງຢູ່ພາກໃຕ້ ຂອງກິ່ງແຂວງປົກຄອງຕົນເອງຊົນເຜົ່າຢີຊົນເຜົ່າຮານີຫົງເຮີ ແຂວງຢຸນນານ, ເທິງຕົ້ນໄມ້, ເທິງໃບໄມ້ໄຜ່ ແລະ ຢູ່ແຄມແມ່ນ້ຳຂອງທີ່ນີ້, ທ່ານສາມາດແນມເຫັນດັກແດ້ທີ່ກຳລັງລອກຄາບເປັນແມງກະເບື້ອ, ດັກແດ້ຈຳນວນຫຼາຍຮ້ອຍລ້ານໂຕກຳລັງຈະລອກຄາບເປັນແມງກະເບື້ອ.

ອີງຕາມການແນະນຳຂອງ ທ່ານ ຢາງເຈີນເວີນ ຜູ້ກວດກາແມງກະເບື້ອຂອງເຂດຮ່ອມພູແມງກະເບື້ອມ້າອ່ານດີ ກ່າວວ່າ: "ອີງຕາມລາຍງານໃນປະຈຸບັນ, ປະກົດການການເກີດແມງກະເບື້ອໃນໂລກມີສອງແຫ່ງ, ແຫ່ງໜຶ່ງຢູ່ໃນປະເທດແມັກຊິໂກ, ແລະ ອີກແຫ່ງໜຶ່ງແມ່ນຢູ່ໃນເຂດຮ່ອມພູແມງກະເບື້ອມ້າອ່ານດີ."

ອີງຕາມການຕິດຕາມກວດກາ, ດັກແດ້ຊຸດທຳອິດທີ່ລອກຄາບເປັນແມງກະເບື້ອໃນປີນີ້ແມ່ນປະມານວັນທີ 20 ເດືອນພຶດສະພາ, ເວລາທີ່ດັກແດ້ລອກຄາບເປັນແມງກະເບື້ອຫຼາຍທີ່ສຸດແມ່ນປະມານວັນທີ 25 ພຶດສະພາເຖິງວັນທີ 10 ມິຖຸນາ. ອີງຕາມສະຖິຕິ, ການລອກຄາບຂອງດັກແດ້ເປັນແມງກະເບື້ອໃນປີນີ້ຈະຢູ່ມີ 5 ສະຖານທີ່, ແລະ ຈຳນວນການລອກຄາບເປັນແມງກະເບື້ອແມ່ນມີຫຼາຍກວ່າ 150 ລ້ານໂຕ.

ສະຖານທີ່ການລອກຄາບເປັນແມງກະເບື້ອ 3 ແຫ່ງທີ່ສາມາດຮັບຊົມໄດ້:

ເຂດປ່າໄມ້ມ້າກວຍທາງ, ເວລາລອກຄາບຂອງແມງກະເບື້ອ: ວັນທີ 25 ເດືອນພຶດສະພາເຖິງວັນທີ 20 ມິຖຸນາ
ເຂດປ່າໄມ້ຖູຈ່ຽຍຈາຍ,ເວລາລອກຄາບຂອງແມງກະເບື້ອ: ວັນທີ 25 ເດືອນພຶດສະພາເຖິງວັນທີ 20 ມິຖຸນາ
ເຂດປ່າໄມ້ນິວຊາງຜີງ,ເວລາລອກຄາບຂອງແມງກະເບື້ອ: ວັນທີ 30 ເດືອນພຶດສະພາເຖິງວັນທີ 25 ມິຖຸນາ

ຈາກການຕິດຕາມກວດກາສະແດງໃຫ້ເຫັນວ່າ,ປີນີ້ຈະເປັນປີທີ່ມີຈຳນວນແມງກະເບື້ອລອກຄາບຫຼາຍທີ່ສຸດນັບແຕ່ປີ 2010 ເປັນຕົ້ນມາ,ແລະ ເປັນປີທີ່ມີພາບວິວທິວທັດໜ້າປະທັບໃຈທີ່ສຸດ.ໃນຊຸມປີມໍ່ໆມານີ້, ເມືອງ ຈີນຜິງ ໄດ້ປະຕິບັດມາດຕະການຢ່າງແຂງແຮງເພື່ອປົກປ້ອງຊີວະນາໆພັນຂອງເຂດຮ່ອມພູແມງກະເບື້ອ, ເພີ່ມທະວີການປົກປັກຮັກສາ ແລະ ຟື້ນຟູລະບົບນິເວດຢ່າງເຂັ້ມແຂງ, ແລະສະໜອງສະພາບແວດລ້ອມນິເວດທີ່ເປັນເອກະລັກໃຫ້ແກ່ແມງກະເບື້ອ ແລະ ຊີວະນາໆພັນທີ່ໃຊ້ຊີວິດຢູ່ນີ້.

ມາຈາກ： ເວັບໄຊຢຸນນານ

ນັກຂ່າວ：ຫຼີ້ຊູເຟິນ ຊີເຈ່ຍ ເກົ່າຊູນຫຼີນ