ສິບສອງພັນນາ: ປາຫາຍາກ 35,000 ໂຕຖືກປ່ອຍລົງສູ່ແມ່ນ້ຳລ້ານຊ້າງ

ວັນທີ 9 ຕຸລານີ້, ລຽບຕາມແມ່ນ້ຳລ້ານຊ້າງຢູ່ເມືອງເມິງຮ່ານ ເມືອງຈິ້ງຫົງ ກິ່ງແຂວງປົກຄອງຕົນເອງຊົນເຜົ່າສິບສອງພັນນາ ແຂວງຢຸນນານ, ໄດ້ຈັດກິດຈະກຳປ່ອຍປາ ແລະ ເພີ່ມຊັບພະຍາກອນປາຫາຍາກທີ່ເປັນເອກະລັກຢູ່ເຂດແມ່ນ້ຳລ້ານຊ້າງ. ປາຫາຍາກຈຳນວນ 35,000 ໂຕຖືກປ່ອຍລົງສູ່ແມ່ນ້ຳລ້ານຊ້າງ. ກິດຈະກຳນີ້ມີຜູ້ເຂົ້າຮ່ວມຈາກສິບສອງພັນນາຈໍານວນທັງໝົດ 100 ກວ່າຄົນ.

ຜູ້ຈັດກິດຈະກໍານີ້ ຫວັງວ່າ ຈະກະຕຸ້ນຄວາມກະຕືລືລົ້ນຂອງປະຊາຊົນທຸກຊົນເຜົ່າໃຫ້ມີສ່ວນຮ່ວມຢ່າງຫ້າວຫັນໃນການປົກປັກຮັກສາແມ່ນ້ຳລ້ານຊ້າງ, ແລະ ໃນເວລາດຽວກັນ, ຫວັງວ່າຜ່ານແມ່ນໍ້າລ້ານຊ້າງ-ແມ່ນໍ້າຂອງ, ຈະສາມາດນຳການຕັດສິນໃຈ ແລະ ການເຄືື່ອນໄຫວຂອງສິບສອງພັນນາໃນການປົກປ້ອງແມ່ນ້ຳລ້ານຊ້າງສົ່ງຕໍ່ໄປຍັງບັນດາປະເທດໃນເຂດແມ່ນໍ້າຂອງ. ອີງຕາມຂໍ້ມູນຂ່າວສານ, ມີປາພື້ນເມືອງຫຼາຍກວ່າ 152 ຊະນິດຢູ່ໃນແມ່ນ້ຳລ້ານຊ້າງ ແລະ ມີຫຼາຍກວ່າ 60 ຊະນິດທີ່ເປັນພັນທີ່ເປັນເອກະລັກຢູ່ແມ່ນ້ຳລ້ານຊ້າງ, ເຊິ່ງກວມເອົາຫຼາຍກວ່າ 19% ຂອງຊະນິດພັນປາພື້ນເມືອງລະດັບຊາດ.

ມາຈາກ ສຳນັກຂ່າວຊິນຮວາຂອງຈີນ
ນັກຂ່າວ ຈ່ວງເປຍນີງ