ວັນທີ 18 ມັງກອນນີ້, ຫ້ອງການຖະແຫຼງຂ່າວລັດຖະບານຈີນໄດ້ຖະແຫຼງວ່າ: ຍອດມູນຄ່າຂາເຂົ້າຂາອອກສິນຄ້າຂອງຈີນໃນປີ 2020 ໄດ້ບັນລຸ 32155,7 ຕື້ຢວນ, ເພີ່ມຂຶ້ນ 1,9% ເມື່ອທຽບໃສ່ປີ 2019. ໃນນັ້ນ, ມູນຄ່າຂາອອກບັນລຸເຖິງ 17932,6 ຕື້ຢວນ, ເພີ່ມຂຶ້ນ 4,0%; ມູນຄ່າຂາເຂົ້າບັນລຸເຖິງ 14223,1 ຕື້ຢວນ, ຫຼຸດລົງ 0,7%.
ໃນນັ້ນ, ມູນຄ່າຂາອອກສິນຄ້າປະເພດກົນຈັກໄຟຟ້າເພີ່ມຂຶ້ນ 6%, ກວມມູນຄ່າຂາອອກທັງໝົດ 59,4%, ເພີ່ມຂຶ້ນ 1,1% ເມື່ອທຽບໃສ່ປີ 2019. ມູນຄ່າຂາເຂົ້າຂາອອກສິນຄ້າທົ່ວໄປກວມມູນຄ່າຂາເຂົ້າຂາອອກທັງໝົດ 59,9%, ເພີ່ມຂຶ້ນ 0,9% ເມື່ອທຽບໃສ່ປີ 2019. ມູນຄ່າຂາເຂົ້າຂາອອກຂອງວິສາຫະກິດເອກະຊົນເພີ່ມຂຶ້ນ 11,1%, ກວມ 46,6% ຂອງມູນຄ່າທັງໝົດ, ເພີ່ມຂຶ້ນ 3,9% ເມື່ອທຽບໃສ່ປີ 2019.