ວັນທີ 18 ມັງກອນນີ້, ຫ້ອງການຖະແຫຼງຂ່າວລັດຖະບານຈີນໄດ້ຈັດກອງປະຊຸມຂ່າວໂດຍປະກາດວ່າ: ຕາມການຄິດໄລ່ໃນເປື້ອງຕົ້ນ, ລວມຍອດຜະລິດຕະພັນພາຍໃນຫຼື GDP ຂອງຈີນໃນປີ 2020 ມີເຖິງ 101.598,6 ຕື້ຢວນ, ເມື່ອຄິດໄລ່ຕາມລາຄາທີ່ສົມທຽບໄດ້ແລ້ວ, ໄດ້ເພີ່ມຂຶ້ນ 2,3% ເມື່ອທຽບໃສ່ໄລຍະດຽວກັນຂອງປີກາຍ, ຖືວ່າເປັນຄັ້ງອຳອິດທີ່ GDP ບັນລຸຫຼາຍກວ່າ 100.000 ຕື້ຢວນ. ເມື່ອເບິ່ງຕາມໄຕມາດແລ້ວເຫັນວ່າ: ໄຕມາດທີໜຶ່ງໄດ້ຫຼຸດລົງ 6,8%, ໄຕມາດທີສອງເພີ່ມຂຶ້ນ 3,2%, ໄຕມາດທີສາມເພີ່ມຂຶ້ນ 4,9% ແລະໄຕມາດທີສີ່ເພີ່ມຂຶ້ນ 6,5%.
ເມື່ອເບິ່ງຕາມຂະແໜງການ, ມູນຄ່າເພີ່ມຂອງຂະແໜງການກະສິກຳໄດ້ບັນລຸ 7775,4 ຕື້ຢວນ, ເພີ່ມຂຶ້ນຫຼາຍກວ່າປີຜ່ານມາ 3,0%, ມູນຄ່າເພີ່ມດ້ານອຸດສາຫະກຳໄດ້ບັນລຸ 38425,5 ຕື້ຢວນ, ເພີ່ມຂຶ້ນ 2,6%, ມູນຄ່າເພີ່ມຂອງຂະແໜງການບໍລິການໄດ້ບັນລຸ 55397,7 ຕື້ຢວນ, ເພີ່ມຂຶ້ນ 2,1%.