ໃນປີ 2021, ຈີນຈະອອກແຮງປົກປ້ອງຄວາມເປັນລະບຽບດ້ານການແຂ່ງຂັນທີ່ເປັນທຳຂອງຕະຫຼາດ, ເພີ່ມທະວີການຕ້ານການຜູກຂາດ ແລະການແຂ່ງຂັນທີ່ບໍ່ເປັນທຳ, ຍຶດໝັ້ນການປະສານສົມທົບກັນລະຫວ່າງການສະໜັບສະໜູນ ແລະການສ້າງລະບຽບແບບແຜນ, ປະສານສົມທົບກັນລະຫວ່າງການຕິດຕາມຄຸ້ມຄອງການປະຕິບັດກົດໝາຍ ແລະການສ້າງລະບຽບການ, ເພື່ອຍົກສູງຄວາມສາມາດໃນການປົກປ້ອງການແຂ່ງຂັນທີ່ເປັນທຳຂອງຕະຫຼາດ.
ນັກຂ່າວໄດ້ຮັບຊາບຈາກກອງປະຊຸມວຽກງານກ່ຽວກັບການຕິດຕາມຄຸ້ມຄອງຕະຫຼາດທົ່ວປະເທດຈີນທີ່ຈັດຂຶ້ນໃນວັນທີ 18 ມັງກອນນີ້ວ່າ: ໃນປີ 2020, ອົງການຕິດຕາມຄຸ້ມຄອງຕະຫຼາດໄດ້ເພີ່ມທະວີການຕ້ານການຜູກຂາດ ແລະການແຂ່ງຂັນທີ່ບໍ່ເປັນທຳ, ນຳໃຊ້ມາດຕະການຕ່າງໆເພື່ອປົກປ້ອງຄວາມເປັນລະບຽບໃນການແຂ່ງຂັນດ້ານເສດຖະກິດຜ່ານທາງອິນເຕີເນັດ, ໄດ້ກວດກາ ແລະລົງໂທດຄະດີຜູກຂາດ ແລະແຂ່ງຂັນທີ່ບໍ່ເປັນທຳຈຳນວນໜຶ່ງ, ໄດ້ເລັ່ງລັດການສ້າງລະບຽບການແຂ່ງຂັນຢ່າງເປັນທຳ, ສຳເລັດການຮ່າງເນື້ອໃນກົດໝາຍວ່າດ້ວຍການຕ້ານການຜູກຂາດສະບັບດັດແກ້, ເຜີຍແຜ່ຄູ່ມືວ່າດ້ວຍການຕ້ານການຜູກຂາດຕາມລະບຽບການສຳລັບຜູ້ດຳເນີນທຸລະກິດ ແລະອື່ນໆ, ອອກແຮງຈັດຕັ້ງປະຕິບັດລະບຽບການກວດກາການແຂ່ງຂັນຢ່າງເປັນທຳ ແລະເຜີຍແຜ່ບົດລາຍງານປະຈຳປີກ່ຽວກັບການຕ້ານການຜູກຂາດຂອງຈີນເປັນຄັ້ງທຳອິດ.