ວັນທີ 19 ມັງກອນນີ້, ທ່ານເຜີງຮວາກັງ ເລຂາທິການທັງເປັນໂຄສົກຂອງຄະນະກຳມະການຕິດຕາມຄຸ້ມຄອງຊັບສິນແຫ່ງຊາດຈີນກ່າວວ່າ: ເຖິງວ່າຈີນໄດ້ຮັບຜົນກະທົບຈາກພະຍາດໂຄວິດ-19 ໃນປີ 2020, ເຮັດໃຫ້ໂຄງການຂອງລັດວິສາຫະກິດສູນກາງຢູ່ຕ່າງປະເທດໄດ້ຮັບຜົນກະທົບໃນດ້ານການຄຸ້ມຄອງການເດີນທາງຂອງພະນັກງານ ແລະການຂົນສົ່ງວັດຖຸອຸປະກອນ. ແຕ່ລັດວິສາຫະກິດສູນກາງກໍໄດ້ເອົາໃຈໃສ່ຈັດຕັ້ງປະຕິບັດໂຄງການ, ບົນພື້ນຖານການປ້ອງກັນ ແລະຄວບຄຸມພະຍາດໃຫ້ດີ, ຊຸກຍູ້ການກໍ່ສ້າງໂຄງການຢູ່ຕ່າງປະເທດໃຫ້ມີຄວາມໝັ້ນທ່ຽງ. ປັດຈຸບັນນີ້, ໂຄງການສ່ວນຫຼາຍພວມຈັດຕັ້ງປະຕິບັດຢູ່, ແລະບໍ່ມີໂຄງການໃດລຽບຕາມ “ໜຶ່ງແລວໜຶ່ງເສັ້ນທາງ” ຖືກຢຸດຕິ.
“ຜ່ານການຈັດຕັ້ງປະຕິບັດກໍສາມາດເຮັດສຳເລັດແລ້ວຫຼາຍກວ່າ 600 ໂຄງການ. ສ່ວນໂຄງການທາງລົດໄຟຈາກາຕາ-ບັນດົງ ແລະທາງລົດໄຟຈີນ-ລາວ, ສາມາດຜ່ານຜ່າຜົນກະທົບຈາກພະຍາດໂຄວິດ-19 ແລະໄດ້ຮັບການຊຸກຍູ້ໃຫ້ດຳເນີນໄປຢ່າງສະດວກ, ໂຄງການທີ່ສຳຄັນຕ່າງໆໄດ້ເລີ່ມກໍ່ສ້າງ ຫຼືສຳເລັດການກໍ່ສ້າງ. ໂຄງການທີ່ເປັນສັນຍາລັກເຫຼົ່ານີ້ໄດ້ຊຸກຍູ້ການສ້າງ “ໜຶ່ງແລວໜຶ່ງເສັ້ນທາງ”.
ຈົນມາຮອດປັດຈຸບັນນີ້, ມີລັດວິສາຫະກິດສູນກາງ 81 ແຫ່ງໄດ້ຮັບຜິດຊອບໂຄງການລຽບຕາມ “ໜຶ່ງແລວໜຶ່ງເສັ້ນທາງ” 3400 ໂຄງການ.