ນັບມາຮອດວັນທີ 24 ມັງກອນນີ້, ຫຼາຍປະເທດໃນຕາເວັນອອກກາງໄດ້ເລີ່ມສັກແລະຈັດຊື້ວັກຊີນຕ້ານເຊື້ອພະຍາດໂຄວິດ-19, ແລະຈະເປີດກວ້າງຂອບເຂດຂອງການສັກວັກຊີນຢ່າງຂະໜາດໃຫຍ່.
ທ່ານຟາເຣດິນ ໂຄຄາ, ລັດຖະມົນຕີກະຊວງສາທາລະນະສຸກຕວກຕີກ່າວທຜ່ານສື່ສັງຄົມສື່ມວນຊົນອ໋ອນລາຍໃນຫວ່າງກ່ອນນີ້ບໍ່ດົນວ່າ: ວັກຊີນຕ້ານເຊື້ອພະຍາດໂຄວິດ-19 ຈຳນວນ 6 , 5 ລ້ານຫຼອດຈະຖືກສົ່ງມາຮອດຕວກກີໃນຕອນເຊົ້າຂອງວັນທີ 25 ມັງກອນນີ້ຕາມແຜນການ, ຕວກກີຈະປະຕິບັດແຜນການສັກວັກຊີນຢ່າງຕໍ່ເນື່ອງ. ນັບມາຮອດຕອນທ່ຽງຂອງວັນທີ 24 ມັງກອນນີ້, ປະຊາຊົນຕວກກີຈຳນວນ 1，24 ລ້ານຄົນໄດ້ສັກວັກຊີນຕ້ານເຊື້ອພະຍາດໂຄວິດ-19 ທີ່ຜະລິດໂດຍບໍລິສັດເຄີ່ສີ່ງຂອງຈີນແລ້ວ.
ກະຊວງສາທາລະນະສຸກອີຣານກ່າວວ່າ, ຄາດຄະເນວ່າໃນເດືອນກຸມພາໜ້ານີ້ຈະປະຕິບັດແຜນການສັກວັກຊີນຕ້ານເຊື້ອພະຍາດໂຄວິດ-19 ທີ່ໄດ້ຮັບການອະນຸຍາດໃຫ້ນຳເຂົ້າ, ຫຼັງຈາກນັ້ນຈະໄດ້ຮັບວັກຊີນ 16，8 ລ້ານຫຼອດຕາມແຜນປະຕິບັດງານກ່ຽວກັບວັກຊີນຕ້ານເຊື້ອພະຍາດໂຄວິດ-19 ຫຼື COVAX ທີ່ນໍາໂດຍອົງການອະນາໄມໂລກ.
ກະຊວງສາທາລະນະສຸກຂອງອິສຣາແອນໄດ້ເປີດເຜີຍຕົວເລກໃນວັນທີ 24 ມັງກອນນີ້ສະແດງໃຫ້ເຫັນວ່າ, ນັບແຕ່ໄດ້ເລີ່ມດຳເນີນໂຄງການສັກວັກຊີນໃນວັນທີ 20 ທັນວາປີ 2020 ແລ້ວນີ້ເປັນຕົ້ນມາ, ນັບລວມແລ້ວໄດ້ສັກວັກຊີນໃຫ້ຄົນພາຍໃນປະເທດອິດສຣາແອນແລ້ວ 2，55 ລ້ານກວ່າຄົນ.