ວັນທີ 2 ກຸມພານີ້, ຝ່າຍທະຫານມຽນມາໄດ້ອອກຖະແຫຼງການວ່າ, ມື້ດຽວກັນ, ທ່ານມິນອອງເລງ ຜູ້ບັນຊາການສູງສຸດກອງທັບປ້ອງກັນປະເທດມຽນມາ, ທ່ານມິນສະເວ ຮັກສາການແທນປະທານາທິບໍດີແລະລັດຖະມົນຕີນຄະນະລັດຖະບານທີ່ໄດ້ຮັບການແຕ່ງຕັ້ງຊຸດໃໝ່ 9 ທ່ານໄດ້ຈັດກອງປະຊຸມລັດຖະບານຄັ້ງປະຖົມມະເລີກຢູ່ເນປີດໍ ນະຄອນຫຼວງມຽນມາ.
ຖະແຫຼງການກ່າວວ່າ, ທ່ານມິນອອງເລງໄດ້ປະກາດແຜນການທີ່ຈະປະຕິບັດໃນໄລະຍະພາວະສຸກເສີນໃນກອງປະຊຸມ, ລວມທັງການຟື້ນຟູຂະແໜງການຕ່າງໆເຊັ່ນ: ການທ່ອງທ່ຽວ, ການໂຮງແຮມເປັນຕົ້ນອີງຕາມມາດຕະການປ້ອງກັນພະຍາດ, ເພື່ອຊຸກຍູ້ເສດຖະກິດແລະສະໜອງໂອກາດການປະກອບອາຊີບໃຫ້ຄົນທີ່ວ່າງງານ.
ຕອນຄ່ຳວັນທີ 1 ກຸມພານີ້, ຝ່າຍທະຫານມຽນມາໄດ້ອອກຖະແຫຼງການວ່າ, ຈະສັບຊ້ອນລັດຖຸບານຊຸດໃໝ່ຂອງມຽນມາຢ່າງໃຫຍ່, ລັດຖະມົນຕີ 11 ຂົງເຂດຂອງລັດຖະບານກາງເຊັ່ນ: ກະຊວງການຕ່າງປະເທດ, ກະຊວງປ້ອງກັນປະເທດ, ກະຊວງວຽກງານເຂດຊາຍແດນ, ກະຊວງແຜນການ, ການເງິນແລະອຸດສາຫະກຳ, ກະຊວງການລົງທຶນແລະການພົວພັນເສດຖະກິດກັບຕ່າງປະເທດ, ກະຊວງການຮ່ວມມືສາກົນເປັນຕົ້ນແມ່ນໄດ້ປ່ຽນເປັນຜູ້ໃໝ່.