ຈີນກຳລັງປະຕິບັດການສັກວັກຊິນຈີນແບບບໍ່ເສຍຄ່າໃຫ້ແກ່ປະຊາຊົນທັງໝົດ

ມໍ່ໆມານີ້, ເຂດສາວຢາງ (Chaoyang Area) ນະຄອນຫຼວງປັກກິ່ງ (Beijing), ຊ່າງອູ (Wu) ໃນຍາມທີ່ພັກຢູ່ບ່ອນພັກເຊົາໃນຈຸດຊົ່ວຄາວສຳລັບສັກວັກຊີນຕ້ານພະຍາດໂຄວິດ-19, ລາວໄດ້ໂພສ (Post) ຂໍ້ຄວາມໜຶ່ງເທິງວົງໝູ່ເພື່ອນໃນວີແຊັດ (Wechat Moments) ວ່າ ມື້ນີ້ຮັບການສັກວັກຊິນຕ້ານພະຍາດໂຄວິດ-19.

ປະມານຕອນບ່າຍ 1 ໂມງ, ຊ່າງອູ ທີ່ເຮັດອາຊີບຜະລິດ ແລະ ປຸງແຕ່ງອາຫານທີ່ ເຂດສາວຢາງ ແລະ ໝູ່ຮ່ວມອາຊີບ 70 ກວ່າຄົນໄດ້ມາທີ່ຈຸດຮັບການສັກວັກຊິນ. ອີງຕາມເງື່ອນໄຂ, ຜູ້ຮັບການສັກວັກຊິນຕ້ອງພັກຢູ່ຈຸດພັກເຊົາ 30 ນາທີ, ຮັບປະກັນແນ່ນອນວ່າຮ່າງກາຍບໍ່ມີສິ່ງຜິດປົກກະຕິຈຶ່ງໄປໄດ້. ຫຼັງຈາກນັ້ນ 14 ມື້, ລາວ ແລະ ເພື່ອນຮ່ວມງານຈຶ່ງຮັບການສັກວັກຊິນເຂັມທີສອງ. ໃນການເປັນຜູ້ຮັບການສັກວັກຊິນຊຸດທຳອິດ, ຊ່າງອູ ຮູ້ສຶກເປັນກຽດຫຼາຍ. “ປະຊາຊົນປັກກິ່ງຈະໄດ້ກິນເຂົ້າໜົມທີ່ພວກເຮົາຜະລິດ, ພວກເຮົາຕ້ອງມີຄວາມຮັບຜິດຊອບຕໍ່ລູກຄ້າ, ແລະ ຮັບຜິດຊອບຕໍ່ສຸຂະພາບຂອງຕົນ！”

ຄຽງຄູ່ກັບວັກຊິນຕ້ານພະຍາດໂຄວິດ-19 ທີ່ສອດຄ່ອງກັບເງື່ອນໄຂໄດ້ອອກສູ່ຕະຫຼາດ ແລະ ຄວາມສາມາດການຮັບປະກັນການສະໜອງການຜະລິດໄດ້ຄ່ອຍຍົກລະດັບຂຶ້ນເທື່ອລະຂັ້ນ, ປະເທດຈີນກຳລັງຊຸກຍູ້ວຽກງານການສັກວັກຊິນຢ່າງເປັນຂັ້ນຕອນ ແລະ ຮອບດ້ານໃຫ້ແກ່ກຸ່ມຄົນທີ່ມີຄວາມສ່ຽງສູງໃນການຕິດເຊື້ອ, ກຸ່ມຄົນທີ່ມີຄວາມສ່ຽງສູງ ແລະ ກຸ່ມຄົນທຳມະດາ, ພ້ອມທັງປະຕິບັດການສັກວັກຊິນແບບບໍ່ເສຍຄ່າໃຫ້ແກ່ປະຊາຊົນທັງໝົດ.

ອີງຕາມກົມຮັບປະກັນການແພດແຫ່ງປະເທດຈີນແນະນຳໃຫ້ຮູ້ວ່າ, ຄ່າການສັກວັກຊິນຈີນແບບບໍ່ເສຍຄ່າໃຫ້ແກ່ປະຊາຊົນທັງໝົດນັ້ນ ຈະແບກຫາບໂດຍ ເງິນຮັບປະກັນສັງຄົມ ແລະ ການເງິນລັດຖະບານ.