ຫລັງຈາກ 11 ປີ, ໄດ້ພົບກັບ ນາງ ປາມູຢີປູມູ ອີກເທື່ອໜຶ່ງ

ຮູບນີ້ແມ່ນ ນາງ ປາມູຢີປູມູ ນຸ່ງເຄຶ່ອງຊົນເຜົ່າຢີ, ຖ່າຍໃນວັນທີ 22 ມັງກອນ.ວັນທີ 30 ມັງກອນ ປີ 2010, ທ່ານ ຈົວເຄີ ນັກຂ່າວສຳນັກຂ່າວຊິນຮວາຂອງຈີນໄດ້ຖ່າຍຮູບໜຶ່ງເຊິ່ງແມ່ນ ນາງ ປາມູຢີປູມູ ທີ່ຢູ່ເດີ່ນຂອງສະຖານີລົດໄຟນານຊາງແຂວງຈ່ຽງສີ.ໃນມື້ດຽວກັນ, ຮູບຖ່າຍນີ້ຖືກເຜີຍແຜ່ໂດຍພະແນກຖ່າຍຮູບຂອງສຳນັກຂ່າວຊິນຮວາຂອງຈີນ, ແລະ ໄດ້ຖືກນຳໃຊ້ໂດຍເວັບໄຊ ແລະ ໜັງສືພິມຫລາຍຮ້ອຍແຫ່ງ.

ຍ້ອນວ່າບໍ່ມີຂໍ້ມູນຕິດຕໍ່ຂອງນາງ ປາມູຢີປູມູ, ຫຼັງຈາກນັ້ນນັກຂ່າວໄດ້ເລີ່ມຄົ້ນຫານາງ. 11 ປີຕໍ່ມາ, ນັກຂ່າວໄດ້ຊອກພົບເຫັນແມ່ຄົນນີ້. ນາງມີຊື່ວ່າ ປາມູຢີປູມູ, ອາຍຸ 32 ປີ, ແມ່ນຊົນເຜົ່າຢີ, ແລະນາງອາໄສຢູ່ບ້ານເຖົ້າຢວນ ຕາແສງວາຢານ ເມືອງວຽນຊີ ກິ່ງແຂວງປົກຄອງຕົນເອງຊົນເຜົ່າຢີລ່ຽງສານ ແຂວງເສສວນ.

ນາງ ປາມູຢີປູມູ ບໍ່ເຄີຍໄປໂຮງຮຽນ, ແລະ ບໍ່ຮູ້ຕົວອັກສອນຈີນ. ບ້ານທີ່ນາງອາໄສຢູ່ແມ່ນມີດິນຈືດ ແລະ ມີຜົນເກັບກ່ຽວທີ່ໜ້ອຍຫຼາຍ. ຄອບຄົວນາງເຄີຍອາໄສຢູ່ໃນເຮືອນ ເກົ່າໆນີ້, ຖ້າວ່າມີຝົນຕົກ, ພວກເຂົາຕ້ອງໄດ້ໃຊ້ຊາມລ້າງໜ້າມາໂຕ່ງເອົານ້ຳຝົນທີ່ຮົ່ວໄຫຼ. ເພື່ອຊີວິດທີ່ດີກວ່າ, ນາງ ແລະ ຜົວຂອງນາງໄດ້ອອກໄປເຮັດວຽກເພື່ອຫາລ້ຽງຄອບຄົວ.

11 ປີກ່ອນ , ນາງໄດ້ເຮັດວຽກຢູ່ເມືອງນານຊາງ, ມີລາຍໄດ້ ຫ້າຫົກຮ້ອຍຢວນຕໍ່ເດືອນ, ຂ້າງກາຍຂອງນາງມີລູກສາວຄົນທີສອງທີ່ມີອາຍຸບໍ່ຮອດໜຶ່ງປີ. ໃນຄັ້ງນັ້ນ, ນາງ ໄປສະຖານີລົດໄຟນານຊາງເພື່ອກັບໄປເຮືອນພາລູກສາວໄປຫາທ່ານໝໍ, ແຕ່ວ່າເງື່ອນໄຂທາງການແພດໃນບ້ານແມ່ນມີຈຳກັດ, ແລະ ລູກກໍ່ເສຍຊີວິດໃນອີກ 5 ເດືອນຕໍ່ມາ. ຫລັງຈາກນັ້ນ, ນາງບໍ່ເຄີຍອອກໄປເຮັດວຽກອີກເລີຍ.

ນາງ ປາມູຢີປູມູ ກ່າວວ່າ: "ໃນເວລານັ້ນ, ບ້ານເຖົ້າຢວນມີຖະໜົນຂີ້ຕົມພຽງເສັ້ນດຽວທີ່ນຳໄປສູ່ໂລກພາຍນອກ, ແລະ ເດີນທາງດ້ວຍລົດມ້າ, ເງື່ອນໄຂທາງການແພດແມ່ນຫຼ້າຫລັງຫລາຍ, ແມ່ຍິງຖືພາຫລາຍຄົນເກີດລູກຢູ່ເຮືອນ, ແລະ ເມື່ອເດັກນ້ອຍເຈັບໄຂ້ແລ້ວ, ແມ່ນຍາກຫຼາຍທີ່ຈະໄດ້ ຮັບການປິ່ນປົວຢ່າງຖ່ວງທັນ. "

ປີ 2014, ຄອບຄົວປາມູຢີປູມູໄດ້ຖືກຈົດທະບຽນເປັນຄອບຄົວທຸກຍາກ. ພາຍຫຼັງທີ່ບ້ານເຖົ້າຢວນໄດ້ແນະນຳການປູກໃບຢາສູບ, ນາງ ກັບຜົວກໍໄປປູກຕົ້ນຢາສູບ. ຜ່ານການຮຽນຮູ້, ຈຳນວນຜົນຜະລິດໃບຢາສູບ ຂອງຄູ່ຜົວເມຍ ປາມູຢີປູມູ ກໍເພີ່ມຂຶ້ນ , ລາຍຮັບປະຈຳປີໄດ້ເພີ່ມຈາກຫລາຍພັນຢວນເປັນຫລາຍສິບພັນຢວນ, ແລະ ເນື້ອທີ່ປູກໄດ້ເພີ່ມຈາກ 0,4 ເຮັກຕາເປັນ 1 ເຮັກຕາ.

ປີ 2019, ນາງ ປາມູຢີປູມູ ໄດ້ກໍ່ສ້າງເຮືອນຫຼັງໃໝ່. ປີ 2020, ລາຍຮັບປະຈຳປີຂອງຄອບຄົວນາງຈະບັນລຸ 100,000 ຢວນ, ສຳເລັດການຫຼຸດພົ້ນອອກຈາກຄວາມທຸກຍາກ.

ນັບແຕ່ປີ 2013 ເປັນຕົ້ນມາ, ນາງ ປາມູຢີປູມູ ໄດ້ເກີດລູກ 3 ຄົນ, ເຊິ່ງທັງໝົດເກີດຢູ່ໂຮງໝໍເມືອງ ໂດຍບໍ່ເສຍຄ່າ. ໃນນັ້ນ, ລູກ 4 ຄົນຂອງນາງໃນປະຈຸບັນນີ້, ລູກສາວກົກ ອູຊີລາປູມູ ກຳລັງຮຽນຢູ່ມັດທະຍົມ ຕົ້ນ ປີທີໜຶ່ງ, ລູກສາວຄົນທີສາມ ວັງຊຽນຢີ ກຳລັງຮຽນຢູ່ຊັ້ນປະຖົມປີທີໜຶ່ງ, ແລະລູກຊາຍ ອູຊີປູ ກຳລັງຮຽນຢູ່ອະນຸບານ.

ມາຈາກ:ສຳນັກຂ່າວຊິນຮວາຂອງຈີນ
ນັກຂ່າວ:ຈົວເຄີ