ຜົນງານການອອກແບບທວນໄຟງານກິລາໂອລິມປິກລະດູໜາວປັກກິ່ງແລະງານກິລາໂອລິມປິກຄົນພິການປັກກິ່ງໄດ້ປະກາດຢ່າງເປັນທາງການ
ຕອນຄ່ຳວັນທີ 4 ກຸມພານີ້, ໃນກິດຈະກຳນັບເວລາຖອຍຫຼັງງານກິລາໂອລິມປິກລະດູໜາວປັກກິ່ງເຫລືອເວລາອີກ 1 ປີທີ່ຈັດຂຶ້ນຢູ່ສູນກິລາທາງນ້ຳຮູບ4ຫລ່ຽມຈະຕຸລັດແຫ່ງຊາດໄດ້ປະກາດຜົນງານການອອກແບບທວນໄຟງານກິລາໂອລິມປິກລະດູໜາວປັກກິ່ງແລະງານກິລາໂອລິມປິກຄົນພິການປັກກິ່ງ 2022 ຢ່າງເປັນທາງການ, ເຊິ່ງທວນໄຟດັ່ງກ່າວມີຊື່ວ່າ“ແປວໄຟປີວສະບັດ”.
ທວນໄຟງານກິລາໂອລິມປິກລະດູໜາວປັກກິ່ງຕາມການອອກແບບມີສີເງິນແລະສີແດງ, ເຊິ່ງມີຄວາມໝາຍວ່າ“ນ້ຳກ້າມກັບໄຟມາພົບກັນເພື່ອສ້າງຄວາມກະຕືລືລົ້ນ, ເຍືອງແສງສະຫວ່າງໃສ່ຫິມະ, ນຳເອົາຄວາມອົບອຸ່ນມາໃຫ້ກັບໂລກ.”ສ່ວນທວນໄຟງານກິລາໂອລິມປິກຄົນພິການປັກກິ່ງຕາມການອອກແບບມີສີເງິນກັບສີເຫລືອງຄຳ, ເຊິ່ງມີຄວາມໝາຍວ່າຄວາມສະຫງ່າງາມກັບຄວາມໃຝ່ຝັນ, ສະແດງໃຫ້ເຫັນເຖິງງານກິລາໂອລິມປິກຄົນພິການມີຄວາມກ້າຫານ, ຄວາມຕັດສິນໃຈ, ການກະຕຸກຊຸກຍູ້ແລະຄວາມສະເໝີພາບກັນ, ຢູ່ລຸ່ມທວນໄຟໄດ້ແກະສະຫລັກຕົວໜັງສືກືກທີ່ມີຄວາມໝາຍວ່າ“ງານກິລາໂອລິມປິກຄົນພິການປັກກິ່ງ 2022”.
ຄະນະກຳມະການກິລາໂອລິມປິກສາກົນໄດ້ຕີລາຄາສູງຕໍ່ການອອກແບບທວນໄຟຄັ້ງນີ້, ເຫັນວ່າ: ການອອກແບບທວນໄຟຄັ້ງນີ້ໄດ້ພິສູດໃຫ້ເຫັນອີກເທື່ອໜຶ່ງວ່າງານກິລາໂອລິມປິກໄດ້ເຊື່ອມໂຍງກິລາກັບວັດທະນະທຳແລະສິລະປະກັບເຕັກໂນໂລຊີໄດ້ຢ່າງກົມກຽວກັນ. ຊຶ່ງມີລັກສະນະສືບທອດວັດທະນະທຳ ແລະ ການປະດິດສ້າງໃໝ່ດ້ານເຕັກໂນໂລຊີ, ສີລະປະວັດທະນະທຳຂອງຈີນກໍໄດ້ມີການສະແດງອອກຢ່າງປານີດສວຍງາມ, ທັງໄດ້ສ່ອງແສງໃຫ້ເຫັນຈຸດພິເສດຂອງ“ຕົວເມືອງແຫ່ງງານກິລາໂອລິມປິກ”, ແລະ ສະແດງໃຫ້ເຫັນນ້ຳໃຈໂອລິມປິກອີກດ້ວຍ.