ຕົວເລກສະຖິຕິທີ່ອົງການຄຸ້ມຄອງເງິນຕາຕ່າງປະເທດແຫ່ງຊາດຈີນໄດ້ເປີດເຜີຍໃນວັນທີ 7 ກຸມພານີ້ສະແດງໃຫ້ເຫັນວ່າ, ນັບມາຮອດທ້າຍເດືອນມັງກອນແລ້ວນີ້, ຄັງສຳຮອງເງິນຕາຕ່າງປະເທດຂອງຈີນບັນລຸເຖິງ 3.210 ຕື້ໂດລາສະຫະລັດ, ເມື່ອທຽບໃສ່ທ້າຍເດືອນທັນວາປີ 2020 ຫຼຸດລົງ 5,9 ຕື້ໂດລາສະຫະລັດ, ໄດ້ຫຼຸດລົງ 0,2%.
ທ່ານນາງຫວາງຊຸນຢິ່ງ ຮອງຫົວໜ້າທັງເປັນໂຄສົກອົງການຄຸ້ມຄອງເງິນຕາຕ່າງປະເທດແຫ່ງຊາດຈີນກ່າວວ່າ: ໃນເດືອນມັງກອນປີ 2021, ຕະຫຼາດເງິນຕາຕ່າງປະເທດຢູ່ຈີນໄດ້ເຄື່ອນໄຫວຢ່າງໝັ້ນທ່ຽງ, ການຄາດຄະເນແລະການຊື້ຂາຍກັນໃນຕະຫຼາດໄດ້ຮັກສາຢູ່ໃນລະດັບທີ່ໝັ້ນທ່ຽງ.
ທ່ານນາງຫວາງຊຸນຢິ່ງ ກ່າວຕື່ມວ່າ: “ຄັງສຳຮອງເງິນຕາຕ່າງປະເທດໄດ້ຖືເງິນໂດລາເປັນສະກຸນເງິນປະເມີນມູນຄ່າ, ສ່ວນສະກຸນເງິນອື່ນໆເມື່ອຄິດເປັນເງິນໂດລາແລ້ວມີມູນຄ່າຫຼຸດລົງ, ເມື່ອບວກກັບປັດໄຈອື່ນໆເຊັ່ນລາຄາຊັບສິນປ່ຽນແປງ, ໄດ້ສົ່ງຜົນເຮັດໃຫ້ຄັງສຳຮອງເງິນຕາຕ່າງປະເທດຂອງຈີນໄດ້ຫຼຸດລົງໃນເດືອນມັງກອນແລ້ວນີ້.”