ຕອນເຊົ້າວັນທີ 22 ກຸມພານີ້, ທ່ານສີຈິ້ນຜິງ ປະທານປະເທດຈີນໄດ້ຕ້ອນຮັບການເຂົ້າຢ້ຽມຄຳນັບຂອງຜູ້ຕາງໜ້ານັກວິຊາການຜູ້ເຂົ້າຮ່ວມພາລະກິດຄົ້ນຄວ້າ ແລະທົດລອງຍານອະວະກາດສຳຫຼວດດວງຈັນ “ສາງເອີ 5”ຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ, ທັງໄດ້ຢ້ຽມຊົມງານວາງສະແດງຕົວຢ່າງດິນຂອງດວງຈັນ ແລະ ໝາກຜົນຂອງໂຄງການສຳຫຼວດດວງຈັນ, ທ່ານໄດ້ຕີລາຄາສູງຕໍ່ຜົນສຳເລັດຂອງໂຄງການສຳຫຼວດດວງຈັນ ໂດຍສະເພາະແມ່ນການປະຕິບັດໜ້າທີ່ຂອງ “ສາງເອີ 5”. ທ່ານສີຈິ້ນຜິງກ່າວເນັ້ນວ່າ, ຕ້ອງເຊີດຊູຈິດໃຈສຳຫຼວດດວງຈັນ, ເສີມຂະຫຍາຍທ່າແຮງຂອງລະບຽບການໃໝ່ທີ່ສຸມທຸກກຳລັງທົ່ວປະເທດ, ປີນໄຕ່ຂຶ້ນສູ່ຍອດພູສູງແຫ່ງວິທະຍາສາດເຕັກນິກຢ່າງກ້າຫານ, ເພື່ອຮັບໃຊ້ການພັດທະນາລວມຂອງປະເທດຊາດ, ເປີດຂະບວນການໃໝ່ຂອງການສຳຫຼວດອະວະກາດຢ່າງໜັກແໜ້ນ, ຊຸກຍູ້ການປະດິດສ້າງໃໝ່ ໃນການພັດທະນາພາລະກິດການບິນອະວະກາດຂອງຈີນຢ່າງບໍ່ຢຸດຢັ້ງ, ປະກອບສ່ວນອັນໃໝ່ໃຫຍ່ຫຼວງກວ່າເກົ່າເພື່ອນຳໃຊ້ອະວະກາດເຂົ້າໃນທາງສັນຕິພາບຂອງມວນມະນຸດ.