ວັນທີ 25 ກຸມພານີ້, ທ່ານສີຈິ້ນຜິງໄດ້ກ່າວວ່າ, ການພັດທະນາຊົນນະບົດໃຫ້ຈະເລີນຮຸ່ງເຮືອງ ແມ່ນໜ້າທີ່ສຳຄັນໃນການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ. ຕ້ອງເຮັດໃຫ້ການປັບປຸງ ແລະເສີມຂະຫຍາຍຜົນງານການລຶບລ້າງຄວາມທຸກຍາກເຊື່ອມຈອດກັບ ການພັດທະນາຊົນນະບົດຢ່າງມີປະສິດທິຜົນ, ເຮັດໃຫ້ການລຶບລ້າງຄວາມທຸກຍາກມີພື້ນຖານທີ່ໜັກແໜ້ນກວ່າເກົ່າ ແລະມີປະສິດທິຜົນທີ່ຍືນຍົງກວ່າເກົ່າ.
ທ່ານສີຈິ້ນຜິງກ່າວເນັ້ນວ່າ, ຕ້ອງຫຼຸດຜ່ອນຄວາມແຕກໂຕນກັນດ້ານການພັດທະນາລະຫວ່າງຕົວເມືອງແລະຊົນນະບົດຢ່າງຕໍ່ເນື່ອງ, ເຮັດໃຫ້ປະຊາຊົນທີ່ມີລາຍຮັບຕ່ຳ ແລະ ເຂດດ້ອຍພັດທະນາສາມາດຊົມໃຊ້ໝາກຜົນຂອງການພັດທະນາຮ່ວມກັນ. ຕ້ອງຊຸກຍູ້ໃຫ້ຊົນນະບົດມີເງື່ອນໄຂສະດວກທີ່ເປັນຕາໜ້າຢູ່ ແລະປະກອບອາຊີບ, ຊາວກະສິກອນມີຄວາມຮັ່ງມີຂຶ້ນ. ໃນຂະບວນການໃໝ່ທີ່ຊຸກຍູ້ການສ້າງສາປະເທດສັງຄົມນິຍົມທີ່ທັນສະໄໝຢ່າງຮອບດ້ານນັ້ນ, ຕ້ອງຈັດເອົາການຊຸກຍູ້ຄວາມຮັ່ງມີຮ່ວມກັນຂອງປະຊາຊົນທຸກຖ້ວນໜ້າໄວ້ຢູ່ນະຖານະສຳຄັນກວ່າເກົ່າ.