ຈີນໄດ້ຍາດເອົາໄຊຊະນະຢ່າງສົມບູນຂອງບັ້ນລຶບລ້າງຄວາມທຸກຍາກ
ພິທີສະຫຼຸບຜົນງານ,ຍ້ອງຍໍບຸກຄົນແລະໜ່ວຍງານທີ່ມີຜົນງານດີເດັ່ນໃນບັ້ນລຶບລ້າງຄວາມທຸກຍາກໃນທົ່ວປະເທດຈີນໄດ້ຈັດຂຶ້ນຢ່າງຍິ່ງໃຫຍ່ຢູ່ຫໍສະພາປະຊາຊົນທີ່ນະຄອນຫຼວງປັກກິ່ງໃນຕອນເຊົ້າຂອງວັນທີ 25 ກຸມພານີ້. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນ ປະທານຄະນະກຳມະການການທະຫານສູນກາງຈີນໄດ້ມອບຫຼຽນໄຊ, ໃບຍ້ອງຍໍໃຫ້ຜູ້ທີ່ໄດ້ຮັບນາມມະຍົດຜູ້ເປັນແບບຢ່າງໃນການລຶບລ້າງຄວາມທຸກຍາກທົ່ວປະເທດ ທັງໄດ້ກ່າວຄຳປາໄສສຳຄັນ.
ທ່ານສີຈິ້ນຜິງໄດ້ປະກາດຢ່າງໜັກແໜ້ນວ່າ ຜ່ານຈາກຄວາມພະຍາຍາມຮ່ວມຂອງທົ່ວພັກແລະປະຊາຊົນບັນດາເຜົ່າທົ່ວປະເທດ, ເນື່ອງໃນໂອກາດປີສຳຄັນທີ່ພັກກອມມູນິດຈີນສ້າງຕັ້ງຂຶ້ນຄົບຮອບ 100 ປີ, ບັ້ນລຶບລ້າງຄວາມທຸກຍາກຂອງຈີນກໍໄດ້ຮັບໄຊຊະນະຢ່າງສົມບູນແລ້ວ.