ວັນທີ 1 ມີນານີ້, ທ່ານເອມເມີຊັນ ແມນນັນກາກົວ ປະທານາທິບໍດີຊີມບາເວໄດ້ກ່າວຄຳປາໄສຜ່ານທາງໂທລະພາບວ່າ: ວັກຊີນໂຄວິດ-19 ທີ່ຈີນຊ່ວຍເຫຼືອໃຫ້ນັ້ນມີຄວາມໝາຍສຳຄັນໃນການຊ່ວຍຊີມບາເວສ້າງພູມຄຸ້ມກັນທົ່ວປວງຊົນໂດຍດ່ວນ.
ວັກຊີນໂຄວິດ-19 ທີ່ຜະລິດໂດຍກຸ່ມບໍລິສັດຊີໂນຟາມທີ່ຈີນຊ່ວຍເຫຼືອຊີມບາເວງວດທຳອິດໄດ້ຂົນສົ່ງໄປເຖິງຊີມບາເວໃນວັນທີ 15 ກຸມພາແລ້ວນີ້, ນີ້ແມ່ນວັກຊີນໂຄວິດ-19 ງວດທຳອິດທີ່ຊີມບາເວໄດ້ຮັບຈາກຕ່າງປະເທດ.
ໃນເວລາກ່າວຄຳປາໄສ, ທ່ານເອມເມີຊັນ ແມນນັນກາກົວຍັງປະກາດວ່າ: ຍ້ອນວ່າສະພາບພະຍາດໂຄວິດ-19 ຢູ່ຊີມບາເວໄດ້ມີທ່ວງທ່າດີຂຶ້ນ, ສະນັ້ນ, ເພື່ອຊຸກຍູ້ໃຫ້ເສດຖະກິດມີການຟື້ນຕົວແລະການປະກອບອາຊີບເພີ່ມຂຶ້ນ, ລັດຖະບານຊີມບາເວຕົກລົງຈະຜ່ອນຍານມາດຕະການປິດເມືອງທີ່ໄດ້ປະຕິບັດຢູ່ໃນປະຈຸບັນຢ່າງເໝາະສົມ. ໃນຂະນະທີ່ຮັບປະກັນມາດຕະການປ້ອງກັນແລະຄວບຄຸມພະຍາດ, ພາກສ່ວນອຸດສາຫະກຳແລະການຄ້າຈະຟື້ນຟູການເຮັດວຽກແລະທຸລະກິດ; ເວລາຂອງການສັນຈອນໃນຍາມກາງຄືນຈະເພີ່ມຂຶ້ນຕື່ມອີກ; ການຟື້ນຟູການທ່ອງທ່ຽວລະຫວ່າງເມືອງຕ່າງໆ; ການເປີດໂຮງຮຽນກໍໄດ້ດຳເນີນເປັນກ້າວໆ.