ກອງປະຊຸມຖະແຫຼງຂ່າວກ່ຽວກັບກອງປະຊຸມຄັ້ງທີ 4 ຂອງສະພາປຶກສາການເມືອງປະຊາຊົນແຫ່ງຊາດຈີນສະໄໝທີ 13 ໄດ້ຈັດຂຶ້ນໃນຕອນບ່າຍວັນທີ 3 ມີນານີ້. ທ່ານກົ່ວເວີ້ຍມິນ, ໂຄສົກກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນໃນຄັ້ງນີ້ໄດ້ແນະນຳກ່ຽວກັບລາຍລະອຽດຂອງກອງປະຊຸມ ພ້ອມທັງຕອບຄຳຖາມຂອງນັກຂ່າວຈີນແລະຕ່າງປະເທດ.
ທ່ານກົ່ວເວີ້ຍມິນເຜີຍໃຫ້ຮູ້ວ່າ, ກອງປະຊຸມຄັ້ງທີ 4 ຂອງສະພາປຶກສາການເມືອງແຫ່ງຊາດຈີນສະໄໝທີ 13 ຈະໄຂຂຶ້ນໃນເວລາ 15 ໂມງຂອງວັນທີ 4 ມີນານີ້ ຢູ່ທີ່ຫໍສະພາປະຊາຊົນແຫ່ງຊາດຈີນ ແລະຈະອັດລົງໃນຕອນບ່າຍວັນທີ 10 ມີນານີ້.